“ენმ”-ის წევრი, ეკა ხერხეულიძე, სოციალურ ქსელში წერილს აქვეყნებს, რომელიც 2018 წელს აქვს დაწერილი:
“30 დეკემბერი, 2018
1993 წლის 30 დეკემბერის Вести-ის 7 საათიანმა გამოშვებამ გვაუწყა ,რომ საკუთარი ხალხის მიერ ქვეყნიდან განდევნილმა საქართველოს პირველმა პრეზიდენტმა, ზვიად გამსახურდიამ, სამეგრელოს ტყეში თვითმკვლელობით დაასრულა სიცოცხლე…
სინამდვილეში, კრემლმა ცოცხალი ადამიანის ნეკროლოგი ნაადრევად წაიკითხა და Вести-ის წინასწარმეტყველების სასურველი შედეგი მეორე დღეს, 31 დეკემბერს დადგა.
მას მერე ირჩევა საკითხი-თავი მოიკლა თუ მოკლეს, რაზეც 25 წელი ერთი პასუხი მაქვს- პრეზიდენტი, რომელმაც მთელი თავის ცხოვრება ბნელი საბჭოთიდან ქვეყნის დახსნას მიუძღვნა და გაძაღლებული დღეების გასატანად ტყეში აღმოჩნდა, ნებისმიერ შემთხვევაში, რუსული ტყვიით არის მოკლული.
p.s-უცნაური ბედი დაჰყვა ამ ოჯახს. 26 წლის წინ, სწორედ ამ დღეებში, უკაცრიელ ტყეში სიკვდილს ებრძოდა ზვიად გამსახურდია და დღეს, იგივე დღეს, სიკვდილს ებრძვის მისი უსაყვარლესი ვაჟი.. ცოტნე უნდა გადარჩეს, თუნდაც იმ მიზეზით,რომ მისმა მამამ ძალიან ბევრს და უმთავრესად, საქართველოს მომავალს აჩუქა სიცოცხლე.
“ცუდად ხომ მაინც არ ჩაივლის ეს განწირული სულისკვეთება”
კომენტარები