საფეხბურთო კლუბ „ჩელსის“ მფლობელი, მილიარდერი რომან აბრამოვიჩი დიდი ბრიტანეთის სანქციების სიას დაემატა.
რუსი მილიარდერი ერთ-ერთია შვიდი რუსი ოლიგარქიდან, რომელთა აქტივები გაყინულია.
დიდი ბრიტანეთის ხაზინის დოკუმენტში, რომელიც ინტერნეტშია გამოქვეყნებული, აბრამოვიჩი აღწერილია, როგორც “კრემლის ოლიგარქი”, რომელსაც აქვს მჭიდრო კავშირი რუსეთის პრეზიდენტ პუტინთან.
სანქციების თანახმად, აბრამოვიჩის აქტივები, მათ შორის “ჩელსი”, გაიყინება, ბრიტანეთის ფიზიკურ პირებსა და კომპანიებთან ტრანზაქციები აეკრძალება, შეეზღუდება მოგზაურობის შესაძლებლობა.
აბრამოვიჩის გარდა, სანქცირებულია სეჩინი, დერიპასკა, ლებედევი, მილერი, კოსტინი და ტოკარევი.
კომენტარები