“კოვიდმდგომარეობა დღითიდღე უმართავი ხდება, მთავრობა კი ამ პირობებშიც ფულის კეთებაზე ფიქრობს” – გიორგი ვაშაძე

“სტრატეგია აღმაშენებლის” ლიდერის გიორგი ვაშაძის განცხადებით ქვეყანაში კოვიდ მდგომარეობა დღითიდღე უმართავი ხდება. მისივე შეფასებით, გაკეთებული ტესტების რაოდენობა მიუთითებს იმ ფაქტზეც, რომ მიზანმიმართულად არ ხდება საკმარისი რაოდენობით ტესტირება,  რათა რეალურად გახდეს ცნობილი ქვეყანაში რამდენი ინფიცირებულია. პრემიერობის კანდიდატი გუშინ,  სასტუმროში თრომბოემბოლიით ქალბატონის გარდაიცვალების შემთხვევას ჯანდაცვის სისტემის მხრიდან უყურადღებობას უკავშირებს და პასუხისმგებლობას   ხელისუფლებას აკისრებს. ვაშაძეს მიაჩნია, რომ მოქმედი მთავრობა   ადამიანების სიცოცხლით მანიპულირებს, არ აინტერსებს  დღეს გარდაცვლილი 11 ადამიანიც და დამსხვრეული ოცნებების პარტიისთვის მთავარ ამოცანად ხელისუფლების შენარჩუნება და ფულის კეთება რჩება.

“დღეს საქართველოში კორონა ვირუსი უმართავია. ტესტების რაოდენობა მიუთითებს იმაზე, რომ მიზანმიმართულად ჯანდაცვის უწყება საკმარისი რაოდენობის ტესტებს არ აკეთებენ, რათა რეალურად გავიგოთ რამდენი ინფიცირებულია. სასტუმროში თრომბოემბოლიით ქალბატონი გარდაიცვალა, რადგან მას ყურადღება სისტემამ არ მიაქცია, შედეგად  დატვირთვას ვეღარ გაუძლო, ამ ყველაფერში კი ხელისუფლება არის პასუხისმგებელი. ისინი ადამიანების სიცოცხლით მანიპულირებენ, არ აინტერსებთ ისიც, რომ დღეს 11 ადამიანი გარდაიცვალა. ერთადერთი, რაც მათ ინტერესებშია  ხელისუფლების შენარჩუნებაა.სახელმწიფოს მხრიდან ნულოვანია გეგმა მცირე და საშუალო ბიზნესის და იმ ადამიანების დასახმარებლად, რომლებმაც სამუშაო ადგილები დაკარგეს. თვითონ მდიდრდებიან, 45 მლნ თავიანთ კომპანიებს გადაურიცხეს და სესხის სუფსიდირება  მხოლოდ მათთან დაკავშირებულ კომპანიებს გაუკეთეს. ტესტებთან დაკავშირებით ქვეყანაში სრული ქაოსია. დღეს ჩვენ რომ გვინდოდეს გავარკვიოთ კორონა ვირუსი გვაქვს თუ არა, ვერ დავადგენთ, რადგან ტესტები ხელმისაწვდომი არ არის. არ მეგონა თუ ექვსი თვის შემდეგ ისევ მასობრივ ტესტირებაზე საუბარი იქნებოდა საჭირო. გვიმტკიცებენ, რომ სწრაფი რეაგირება, ადრეული დიაგნოსტიკა და გამოვლენა საჭირო არ არის და ამბობენ რომ ყველაფრისთვის მზად არიან ამ დროს კი ხალხი სასტუმროებში იღუპება მათი უყურადღებობის  გამო. აი, ეს არის ის რეალობა, რომელშიც დღეს ჩვენ ვართ. ჩვენ კვლავ ვამბობთ იგივეს, რომ მასობრივი ტესტირებით მაქსიმალურად ვირუსის გავრცელების ლოკალიზება  შესაძლებელია, დახმარება სჭირდება მცირე და საშუალო ბიზნესს და მძიმე მდგომარეობაში მყოფ ოჯახებს, რომლებსაც შემოსავალი არ აქვთ და შიმშილობენ.  გეგმა და სტრატეგია არაერთხელ გვაქვს წარდგენილი, მაგრამ „შეაყარე კედელს ცერცვი“- ზუსტად ასე არის „ქართული ოცნების“ სახეები, რადგან ისინი ამ მდგომარეობაშიც კი მხოლოდ იმაზე ფიქრობენ, ფული როგორ გააკეთონ. ყველაზე დიდი პრობლემა ისა, რომ არ ხდება გამოვლენა და შესაძლოა რეალური ციფრი გაცილებით მეტი იყოს.  12 000 ტესტი ჩატარდა ორი კვირის წინ და შემთხვევები გაცილებით ნაკლები იყო, ახლა კი ტესტების რაოდენობა ჩამოსულია 3000 – 4000 – 5000 – 6000-ზე, რატომ შემცირდა დიაგნოსტიკის მაჩვენებელი? ამ პირობებში მე მათ არ ვენდობი და ამიტომაც მეშინია. სწორი მართვის პირობებში სკოლაც და უმაღლესი სასწავლებლებიც უნდა გაიხსნას, ოღონდ ქვეყანაში მასობრივი დიაგნოსტიკის შესაძლებლობა უნდა არსებობდეს,” – განაცხადა გიორგი ვაშაძემ