“კორუფციის დონე უფრო დაბალი გვაქვს, ვიდრე ევროკავშირის 11 სახელმწიფოს” – კობახიძე

ირაკლი კობახიძე, რომელიც ვიზიტად ისევ აბუ-დაბიში იმყოფება, ამბობს:

“ზოგადად ძალიან წარმატებული ქვეყანა ვართ, ეკონომიკური განვითარების წახალისებით, არამარტო რეგიონში, არამედ უფრო მსხვილ რეგიონში. ჩვენ ყველაზე სწრაფად განვითარებადი და მზარდი ეკონომიკა ვართ. ჩვენი საშუალო ეკონომიკური ზრდა ბოლო 5 წლის განმავლობაში იყო 9.3% – ეს არის ერთ-ერთი უდიდესი მაჩვენებელი ევროპაში, სწორად თუ იქნება შეფასებული ეკონომიკური წარმატება, ეს არის ზუსტად ეკონომიკური რეფორმების შედეგი, რომელიც ქვეყანაში ხორციელდება და ეს არის იმის შედეგი, რომ კორუფციის დონე ყველაზე დაბალია რეგიონში და ამ მიმართულებით უკეთესი მაჩვენებლები გვაქვს, ვიდრე ევროკავშირის 11 სახელმწიფოს”