“კორონავირუსზე ტესტირებების რაოდენობა უახლოეს დღეებში 20-24 ათასამდე გაიზრდება,” – ამის შესახებ კორონავირუსთან ბრძოლის კლინიკური ჯგუფის ხელმძღვანელმა, თენგიზ ცერცვაძემ დღეს განაცხადა.
მისივე განმარტებით, პანდემიის შესაჩერებლად გაფართოებული ტესტირება მნიშვნელოვან ღონისძიებას წარმოადგენს.
“20-24 ათასამდე გაიზრდება უახლოეს დღეებში ტესტირება, ეს არის ძალიან მნიშვნელოვანი იმიტომ რომ ათი ათასი ტესტირება ვერ მოიცავდა ყველა ინფიცირებულს და როცა ჩვენ ვავლენდით 2-4 ათასს ითვლებოდა რომ ორი ამდენი რჩებოდა გამოუვლენელი. გამოუვლენელი ყველაზე ცუდია, ის ავრცელებს ინფექციას. გაორმაგებული ტესტირების დროს 100%-ით ისევ ვერ გამოვავლენთ, მაგრამ თუ ვავლენდით 30%-ს ახლა გამოვავლენთ 70%-ს. გაფართოებული ტესტირება ძალიან სერიოზულ ღონისძიებად ითვლება პანდემიის შესაჩერებლად, დიდი რიცხვები ნუ შეგვაშინებს,” – განაცხადა თენგიზ ცერცვაძემ.
შეგახსენებთ, რომ ბოლო 24 საათში 18 ათასზე მეტი ტესტირება ჩატარდა.
კომენტარები