კორონავირუსს თბილისელი მეარღნე, ელგუჯა ომიაძე ემსხვერპლა

თბილისელი კოლორიტი, მეარღნე – ელგუჯა ომიაძე კოვიდ 19-ით გარდაიცვალა.

მისი შვილი, ნინო ომიაძე,18 ივნისს წერდა:

„მამა ებრძვის კოვიდს.
სიმპტომის გამოვლენის (თაბრუსხვევა) პირველივე წუთიდან მამა პირველ საუნივერსიტეტო კლინიკაშია გადაყვანილი..

მეთორმეტე დღიდან იმყოფება მართვით სუნთქვაზე…
დასჭირდა ტრაქეოსტომია და რა თქმა უნდა დაუყოვნებლივ ჩაუტარდა (მადლობა უფალს და მედპერსონალს, გართულების გარეშე დასრულდა)

ვიბრძვით პირველივე წუთიდან…ოჯახი..მთელი ახლობლები (მთელი ქვეყანა) რაც მთავარია ბ-ნი ლევან რატიანი გმირ გუნდთან ერთად…. არ ნებდება მამა..იბრძვის ისე, როგორც სჩვევია მთელი ცხოვრება…

არ დავნებდებით…ბოლომდე ვიბრძოლებთ და მჯერა… მჯერა აუცილებლად გავიმარჯვებთ ყველა ერთად ამ რთულ ბრძოლაში-უხილავ მტერთან, ისევ ჩვენს გვერდით გვეყოლება მამა-ელგუჯა ომიაძე, ისევ გაგვათბობს ტკბილი ხმითა და მუსიკით მადლობა თითოეულ თქვენგანს გულითადი გულშემატკივრობისთვის“.

დღეს ნინომ სამწუხარო ამბავი გვამცნო:

„მამიკომაც დამტოვა…

გუჯა ომიაძის
#პანაშვიდი პარასკევი-შაბათი 17სთ.
#დაკრძალვა კვირას 2 სთ-ზე სახლიდან.
გლდანი..მე-6-ე მკ/რ
მ.ხერგიანის ქ#6 (კერძო სახლში)“