ევროკავშირის პრეპარატების მარეგულირებელმა ორგანომ კორონავირუსის მკურნალობისთვის ახალი პრეპარატები დაამტკიცა. ამის შესახებ ინფორმაციას სააგენტო “დოიჩე ველე” ავრცელებს.
ევროპის წამლის სააგენტომ პრეპარატები – “ქსევუდი“, “კინერეტი” და კოვიდ-19-ის სამკურნალოდ “ფაიზერის” მიერ შექმნილი აბები გადაუდებელი შემთხვევების მართვისათვის დაამტკიცა.
სააგენტოს განცხადებაში აღნიშნულია, რომ მედიკამენტი “ქსევუდი“, რომელიც დიდი ბრიტანეთის ფარმაცევტული კომპანია GlaxoSmithKline-ის და ამერიკული ფირმა Vir Biotechnology-ის მიერ არის შექმნილი, ჰოსპიტალიზაციას და სიკვდილიანობას კორონავირუსული ინფექციის მქონე პაციენტებში მნიშვნელოვნად ამცირებს.
ხოლო შვედური ფარმაცევტული კომპანიის Orphan Biovitrum-ის მიერ შექმნილი მედიკამენტი “კინერეტი” ქვედა სასუნთქი გზების დაზიანებას ამცირებს და ასევე, პაციენტებს სუნთქვის მწვავე უკმარისობის განვითარებისგან დაცვაში ეხმარება.
მედიკამენტების მარეგულირებელმა სააგენტომ გადაუდებელი მოხმარებისთვის ასევე „ფაიზერის“ მიერ კოვიდ-19-ის სამკურნალოდ შექმნილი აბებიც დაამტკიცა.
ამავე სააგენტოს ცნობით, “ფაიზერის” მედიკამენტი მოზრდილებში კორონავირუსული ინფექციის მქონე მოზრდილთა სამკურნალოდ იმ შემთხვევაში გამოიყენება თუ ინფიცირებულები დაავადების გართულების რისკის წინაშე არიან.
კომენტარები