“კორონავირუსის მეორე – მომაკვდინებელი ტალღა – 500 ათასი ბავშვი საფრთხის ქვეშაა”

ჯანდაცვის მსოფლიო ორგანიზაციის ევროპის რეგიონული დირექტორი აცხადებს, რომ ევროპული ქვეყნები უნდა მოემზადონ კორონავირუსის მეორე, უფრო  მომაკვდინებელი ტალღისთვის, რადგან კორონავირუსის პანდემია დასრულებული არ არის.

“ისეთ ქვეყნებში, როგორიცაა დიდი ბრიტანეთი, საფრანგეთი და იტალია კორონავირუსის შემთხვევების კლება არ ნიშნავს, რომ პანდემია დასასრულს უახლოვდება. ევროპაში ეპიდემიის ეპიცენტრს რეგიონის აღმოსავლეთ ნაწილი წარმოადგენს. კორონავირუსის შემთხვევების რაოდენობა მზარდია რუსეთში, უკრაინაში, ბელარუსსა და ყაზახეთში.

სინგაპურმა და იაპონიამ დასაწყისშივე გააცნობიერეს, რომ ახლა არა ზეიმის, არამედ მზადების დროა. სწორედ ამას აკეთებენ სკანდინავიური ქვეყნები – ისინი არ გამორიცხავენ მეორე ტალღას, თუმცა იმედოვნებენ, რომ მის ლოკალიზებას და სწრაფად გადალახვას შეძლებენ. 

ძალიან შეშფოთებული ვარ მეორე ტალღის გამო – შემოდგომით, ჩვენ შესაძლოა, „კოვიდ-19“-ის მეორე ტალღა და სეზონური გრიპისა და წითურის კიდევ ერთი ტალღა ვიხილოთ. ორი წლის წინ ჩვენ გვყავდა 500 ათასი ბავშვი, რომლებსაც წითურის საწინააღმდეგო პირველი ვაქცინა არ ჰქონდათ გაკეთებული“

წყარო:  1tv.ge