პანდემიის პირობებში კრიზისის დროს ოჯახების რა ნაწილი აღმოჩნდება სიღარიბის ზღვარს ქვემოთ ? – ეკონომისტებმა იკლი ყიფიანმა და დურუ მახარაძემ მორიგი კვლევა ჩაატარეს.
გაირკვა, რომ კრიზისის პერიოდში, თვითდასაქმებული ოჯახების თითქმის ნახევარი – 46%, აღმოჩნდა სიღარიბის ზღვარს ქვემოთ, ჯამში კი 165 000 ოჯახი. ანუ კრიზისის პერიოდში, მთლიანი მოსახლებიდან, ოჯახების 31.4%-36.5% აღმოჩნდება სიღარიბის ზღვარს ქვემოთ. ჯამში, 376 ათასი – 436 ათასი ოჯახი.
“კრიზისის პერიოდში შეუძლებელ ამოცანას წარმოადგენს ბაზების დალაგება და კრიზისისგან დაზარალებულების ზუსტი იდენტიფიცირება. ამიტომ, სოციალური პოლიტიკა უნდა დაეფუძნოს გამორიცხვის მეთოდს, თუ ვის არ ეკუთვნის და არა, ვის ეკუთვნის, დახმარება. თუ ჩვენ წავალთ ამ მეთოდით, რომ გამოვრიცხოთ, ვის არ ეკუთვნის, შესაძლებელი გახდება მაღალშემოსავლიანი ჯგუფების და საჯარო მოხელეების გამოკლება. ამ მიდგომით, მოსახლეობის უდიდესი ნაწილი მიიღებს ფულად დახმარებას და ეს გამორიცხავს, რომ დახმარების გარეშე დარჩენენ კრიზისით დაზარალებული ოჯახები”,-აღნიშნულია დოკუმენტში.
კომენტარები