კორონავირუსის ახალი „ბრიტანული“ შტამი, უკვე მსოფლიოს 41 ქვეყნის ტერიტორიაზე გამოვლინდა. ამის შესახებ მსოფლიო ჯანდაცვის ორგანიზაცია (ჯანმო) ინფორმაციას ავრცელებს.
კორონავირუსის ახალი შტამი VOC-202012/01 პირველად დიდ ბრიტანეთში გამოვლინდა. ამ ქვეყანასთან მიმოსვლის შეჩერების მიუხედავად, ახალი შტამი გამოვლინდა აშშ-ში. ინდოეთში, შვეიცარიაში, პორტუგალიაში, კანადაში, საფრანგეთში, იაპონიაში, პაკისტანსა და ჩინეთში.
რამდენიმე ქვეყანამ Covid-19-ის მუტაციის შესახებ განაცხადა. მათ შორისაა დანია, ბრაზილია, მალაიზია და სხვა ქვეყნები.
4 იანვარს საქართველოში კორონავირუსის ახალი შტამის პირველი შემთხვევა დაფიქსირდა.
14 დეკემბერს მეცნიერებმა კორონავირუსის ახალი სახეობა აღმოაჩინეს. ჯანდაცვის მსოფლიო ორგანიზაციაში განაცხადეს, რომ ჯერ არ არსებობს იმის მტკიცებულება, რომ დიდ ბრიტანეთში აღმოჩენილი კორონავირუსის ახალი სახეობა სერიოზულ გავლენას ახდენს ვირუსის სტრუქტურაზე. დიდი ბრიტანეთის ჯანდაცვის მდივანმა, მეთ ჰენკოკმა განაცხადა, რომ ვირუსის ახალი სახეობა შედარებით სწრაფად ვრცელდება, თუმცა უფრო საშიში არ არის.
კომენტარები