ახლა ერთმანეთისგან ვისვენებთ, – ამის შესახებ გადაცემაში „ნოესთან“ მომღერალმა გია გაჩეჩილაძემ ძმაზე საუბრისას განაცხადა.
მან ძმასთან, ლევან გაჩეჩილაძესთან მის ურთიერთობაზე ისაუბრა და ბავშვობა გაიხსენა. მისი თქმით, ძმებს შორის განსხვავება წელიწადი და რვა თვეა. ბავშვობაში ისინი ხშირად ჩხუბობდნენ. კონფლიქტები ძმებს შორის დღესაც ხშირად ხდება.
„კონფლიქტები ხშირად არის და ხშირად ვისვენებთ ერთმანეთისგან. მე თუ მკითხავ, ხანდახან საყვარელმა ადამიანებმა ერთმანეთისგან უნდა დაისვენონ, რადგან ძალიან ბევრ რამეს ხვდებიან ამ მარტოობაში – რამდენად მნიშვნელოვანია და საერთოდ, რა არის ის ადამიანი შენთვის“, – განაცხადა გია გაჩეჩილაძემ.
კომენტარები