“კონგრესმენები ერთ შეხვედრის მერე იტყვიან, რაც ვთქვით, ყველაფერი ტყუილი იყოო?”

საგარეო საქმეთა მინისტრი, დავით ზალკანიანი შეხვედრებს მართავს პარტნიორებთან, მიუხედავად ამისა, ამერიკელ პოლიტიკოსთა განცხადებები არ შერბილებულა.

უმრავლესობის ერთ-ერთი ლიდერი, მამუკა მდინარაძე მედიასთან კომენტარს აკეთებს:

“ვიცი ნამდვილად, იყო ძალიან პოზიტიური შეხვედრა, თუ გაქვთ მოლოდინი რომ გამოვლენ ერთ შეხვედრის მერე და იტყვიან, რაც ვთქვით ყველაფერი ტყუილი იყოო, ჩვენ ასეთი მოლოდინი არ გვაქვს. ჩვენ გავაგრძელებთ ინტენსიურ კომუნიკაციას ჩვენს სტრატეგიულ პარტნიორებთან, იმისათვის, რომ მათ, ჯერ ერთი იცოდნენ სრული და ამომწურავი ინფორმაციიის შესახებ და მეორეს მხრივ – ჩვენ არ შეგხვდეს არანაირი პრობლემა ჩვენს პარტნიორთან ურთიერთობაში, მათ ზოგიერთ წარმომადგენელთან ურთიერთობაში და ჩვენთვის ძალიან ძვირფასია ზოგიერთო კოლეგის დამოკიდებულება, რაც არ უნდა მიგვაჩნდეს, რომ მათ არასწორ ინფორმაციაზე დაყრდნობით გააკეთეს განცხადებები.”