შატილში მომხდარი ავარიის შედეგად გარდაცვლილი პირების ახლობლები პასუხიმგებლობას traveler.ge-ს აკისრებენ.
როგორც ირკვევა, ამ კომპანიას სხვა დაზარალებული მომხმარებელიც ჰყავს. ერთ-ერთმა დაზარალებულმა მოქალაქემ ტვ პირველთან აღნიშნა, რომ traveler.ge-ის წარმომადგენელი მას დაემუქრა კიდეც. მისივე თქმით, კომპანიას საკმაოდ არაადეკვატური მძღოლები ჰყავდა:
„კონტრაქტი არ ყოფილა. ასე ნაცნობობით ვენდე და თანხა ჩავურიცხე ანგარიშზე. ამის შემდეგ იყო ავარიის შემთხვევები, რომლებიც არ იყო გამოძიებული. შემდეგ ვითხოვდი, რომ ამ მძღოლების საქმიანობა უნდა შეეზღუდათ, რადგან არაადეკვატურები იყვნენ. კომპანიის წარმომადგენელი პირადად დამემუქრა, რომ მისი კომპანიის სახელის გაფუჭებისათვის მიჩივლებდა და პასუხს მაგებინებდა“
კომენტარები