ღვინის მწარმოებელმა ქართულმა კომპანია Tbilvino-მ რუსეთთან ეკონომიკური ურთიერთობა შეაჩერა და ოკუპანტ ქვეყანაში ღვინის ექსპორტი შეწყვიტა. აღსანიშნავია, რომ რუსეთის ბაზარს აქამდე კომპანიის წლიური გაყიდვების 21% ეკავა.
“თბილღვინომ მიიღო სტრატეგიული გადაწყვეტილება, რუსეთთან ეკონომიკური ურთიერთობა შეაჩეროს. 2006 წლის ემბარგოს შემდეგ, ჩვენი ერთ-ერთი სტრატეგიული მიზანი, რუსული ბაზრის წილის შემცირება და დივერსიფიცირება იყო. კომპანია მიმართულია ახალი ბაზრების ათვისებასა და ქართული ღვინის პოპულარიზაციაზე ევროპაში, აშშ-სა და აზიაში. თბილღვინო მუდმივ კონტაქტზეა უკრაინელ პარტნიორებთან, რათა მოვისმინოთ ის ჰუმანიტარული საჭიროებები, რომელთა გადაჭრაც ახლა ყველაზე მნიშვნელოვანია. ომის პირველივე კვირაში გავაგზავნეთ ჰუმანიტარული ტვირთი ჩვენს უკრაინელ პარტნიორებთან და ვაგრძელებთ სხვადასხვა აქტივობას უკრაინელი ხალხის დასახმარებლად”. – წერს თბილღვინო სოციალურ ქსელში გავრცელებულ განცხადებაში.
შეგახსენებთ, რომ “თბილღვინოს” ისტორია 1960-იან წლებში დაიწყო. კომპანიის პროდუქციას მსოფლიოს 30-ზე მეტ ქვეყანაში იცნობენ. თბილღვინოს საერთაშორისო ბაზარზე არაერთი ჯილდოც აქვს მოგებული.
კომენტარები