სამოქალაქო აქტივისტი, ცაბუნია ვართაგავა:
“ზუგდიდში გუშინწინ არასრულწლოვნებს შორის საქმის გარჩევაზე და მკვლელობაზე თუ რაიმე ნიუსი იდება, სავარაუდო მკვლელზე კომენტარების დიდი ნაწილი არის
დაწვიიიიით
მოკალიიიით
ამოალპეთ ციხეშიიიი
უნდა აწამოოოოო
რად უნდა ციხე, პირდაპირ სიკვდილით უნდა ისჯებოდეეეეეს
იმ ადვოკატს რა ვუთხარი, ვინც მაგას დაიცაააააავს
მგონი, ყველას ერთად დაგვავიწყდა, რომ გარეთ 2022 წელია და მეტნაკლებად ცივილურ ქვეყანაში ვცხოვრობთ, სადაც სამართლინობის აღდგენის ერთადერთი გზა მართლმსაჯულებაა, ხოლო სასჯელის ზომა ვადიანი ან უვადო თავისუფლების აღკვეთა (სხვა სასჯელებიც გვაქვს – ჯარიმა, თანმდებობის დაკავება და ა.შ. მაგრამ ეგ ახლა არაა მნიშვნელოვანი)
დაწვაზე, მოკვლაზე, წამებაზე დიდი ხნის წინ ვთქვით უარი და შევთანხმდით სხვადასხვა ტერიტორიებზე მცხოვრები ადამიანები, რომ ეგ არ არის სწორი. ხოლო ვინც საპირისპიროს ფიქრობთ, არაფრით განსხვავდებით იმ მკვლელისგან ერთი რამის გარდა – თქვენ ჯერ არ მოგცემიათ შანსი სხვისთვის სიცოცხლე წაგერთმიათ
აქვე, მართლმსაჯულების პროცესში დაცვის უფლება აქვს ყველა ადამიანს. ადვოკატის აყვანა არ ნიშნავს, რომ მან მაინცდამაინც უნდა გაამართლოს დამნაშავე და ამტკიცოს, რომ ის უდანაშაულოა.
დღეს გავიგე, რომ ადვოკატმა უარი თქვა ბრალდებულის დაცვაზე, თუ იმიტომ თქვა უარი, რომ ვიღაცეები ამბობდნენ, შემირცხვენია ის ადვოკატი, ვინც მაგას დაიცავსო, აბა რა ჩემი ფეხების ადვოკატია თუ მხოლოდ საზოადოებისთვის მორალურად მისაღებ ადამიანებს დაიცავს? ფრთიან ანგელოზებს არ სჭირდებათ ადვოკატები, თუ ოდესმე სამათლებრივი დაცვა დამჭირდა და ეგ იქნება ერთადერთი, ვისაც ჩემი დაცვა შეეძლება, არ მივმართავ დახმარების თხოვნით
მოკლდ, ან ვთანხმდებით, რომ ცივილური ქვეყანა ვართ, ან დავიწყოთ ერთმანეთის ხოცვა სამაგიეროს გადახდის მიზნით და დავბრუნდეთ გამოქვაბულში.
და თუ ვინმე იტყვის, რომ ახლა ფრთებს ვაშრიალებ, რადგან ეს მკვლელობა პირადად მე არ შემეხო, გეტყვით, რომ არც ამ კომენტარის ავტორები არიან ჭირისუფლები. და მეორე, არც ისე შორეულ 90-იანებში ჩემს ოჯახს “იდეალური საბაბი” ჰქონდა ლინჩის წესით სხვა ოჯახის დასასჯელად, მეზობლები და ნათესავებიც აქეზებდნენ, რომ მისულიყვნენ და იმათი სახლი გადაეწვათ და არ ქნეს.”
კომენტარები