სანქცირებული TV იმედის ცნობით, სანქციების აღსრულებასთან დაკავშირებით სებ-ის პრეზიდენტმა, ნათია თურნავამ მათ უთხრა, რომ კომერციული ბანკები ვალდებულები არიან საქართველოს კანონმდებლობითა და კონსტიტუციით იხელმძღვანელონ.
“ქვეყანაში მოქმედი კომერციული ბანკები წარმოადგენენ საქართველოს კანონმდებლობის მიხედვით შექმნილ იურიდიულ პირებს, რომელთა საქმიანობა ექვემდებარება საქართველოს კონსტიტუციასა და ეროვნულ კანონმდებლობას. იმ შემთხვევაში, თუკი წარმოიქმნება კოლიზია სხვა იურისდიქციაში მიღებულ ნორმატიულ აქტსა და საქართველოს კონსტიტუციასა და კანონმდებლობას შორის, მოქმედი კომერციული ბანკები ვალდებული არიან იმოქმედონ კონსტიტუციისა და კანონმდებლობით დადგენილი ნორმების შესაბამისად” – ნათქვამია თურნავას TV იმედის მიერ გავრცელებულ კომენტარში.
კოლაზია, – ანუ, საპირისპირო შეხედულებათა შეჯახება – ასე აფასებს თურნავა, როგორც ჩანს ბრიტანეთის სანქციებს. რა გზით აპირებს ბრიტანეთის სანქციებს დაუპირისპირდეს, ან როგორც იტყოდა დაუკოლაზიოს – უცნობია.
24 თებერვალს გაერთიანებულმა სამეფომ პროპაგანდისტული სამთავრობო მედიები, TV იმედი და POSTV “რუსული დეზინფორმაციის გავრცელების” გამო სანქცირებულ ერთეულთა სიაში შეიყვანა, რის ფარგლებშიც მათ სამი კატეგორიის სანქციები შეეხოთ: აქტივების გაყინვა, სატრასტო მომსახურების სანქციები და დირექტორის დისკვალიფიკაციის სანქცია.
კომენტარები