“კობახიძე ხელს არ არ გადაგვიგრეხს” – რაზე შეუძლია შეპასუხება “ოცნებასთან” აკადემიურ საბჭოს? – დავით გურგენიძე

ტექნიკური უნივერსიტეტის რექტორმა გუშინ გაიგო, რომ მალე საუკუნოვანი ტრადიციების მქონე უმაღლესი ქართული სასწავლებელი თსუ-ს ნაწილი გახდება. დავით გურგენიძე, ტვ პირველთან ამბობს, რომ აკადემიურმა საბჭომ ეს საკითხი საერთოდაც ჯერ არ იცის და აწი უნდა გააცნოს.

დავით გურგენიძე ამტკიცებს, რომ ეს ხელისუფლება არ გავს სააკაშვილის ხელისუფლებას და ხელის გადაგრეხვის პრინციპით არ მოქმედებს. გამოდის, თუ აკადემიური საბჭო უარზე იქნება, გაერთიანება გაუქმდება? – გურგენიძე ამბობს, რომ პროფესორებმა მხოლოდ მოდელზე უნდა იმსჯელონ. თუ პროფესორები და საბჭო ვერ წყვეტს, უნდა გაერთიანდეს თუ არა თსუ–თან, და მხოლოდ მოდელზე შეუძლია მსჯელობა – სხვა რა ქვია მაშ, ამ პროცესს, ხელის გადაგრეხვის გარდა?

“გუშინ მქონდა კონსულტაციებიო ბატონ მინისტრთან. ვისაუბრეთ ამ თემაზე. მან წამოაყენა თავისი წინადადება, რომელიც ჩვენ მოვისმინეთ. მე ვალდებული ვარ, რომ ეს ყველაფერი ახლა ჩემს აკადემიურ საბჭოს, ფაკულტეტის დეკანებს ვუთხრა ეს და გავიაროთ ეს საკითხი – თუ რა მოდელი იქნება შემოთავაზებული. ჩვენ ჩვენს აზრს გამოვთქვამთ ამაზე. ამაში არაფერი საპანიკო არ არის. ვიცი, რომ ეს ხელისუფლება ბატონი სააკაშვილის ხელისუფლებას არ ჰგავს, რომ რამე ხელის აგდაგრეხვით გააკეთოს. ჩაერთვებიან ამ პროცესში აკადემიური საზოგადოება. ახლა პროფესორიებმა უნდა გასცენ პასუხის იმ მოდელს, რა მოდელსაც შესთავაზებენ და ამაზე იქნება მსჯელობა”. – აცხადებს გურგენიძე. 

“ქართულმა ოცნების“ ხელისუფლებამ თბილისის სახელმწიფო და ტექნიკური უნივერსიტეტების გაერთიანების გადაწყვეტილება მიიღო. ამის შესახებ „ქართული ოცნების“ განათლების მინისტრმა, გივი მიქანაძემ ბრიფინგზე განაცხადა.