“პატრიოტთა ალიანსის” ლიდერი, ირმა ინაშვილი, სოციალურ ქსელში, წერს:
“იმდენადაა აჩქარებული ჩვენი ცხოვრების ტემპი, იმდენად ვართ დატვირთული ყოველდღიური პრობლემებით, საქმით, ხმაურით, რომ ზოგჯერ ვეღარც ვხედავთ ერთმანეთს. ვერ ვგრძნობთ, ვის ვჭირდებით. ვერ ვაცნობიერებთ, სად უნდა ვიყოთ. ვერ ვგულისხმავყობთ, რა არის მთავარი და რა- მეორეხარისხოვანი. რა მოითმენს და რა- ვერ…
კობა დავითაშვილი იმსახურებს! ის იმსახურებს! ჩვენ უნდა ვხედავდეთ, ვის წინაშე ვართ ვალში…ვის უნდა ვუფასებდეთ ბრძოლას. მადლიერება სათნოებაა. კობა დავითაშვილისთვის მადლობა მე და ჩვენ გვაქვს სათქმელი და არა პირიქით. მისი ჯანმრთელობა რეჟიმის წინააღმდეგ ბრძოლას შეეწირა. ეს ჩვენი შვილებისთვის გაღებული მსხვერპლია. კობა, გმადლობ შენ!!!
P. S. ამჯერად კობამ მოგვიხმო. მე მინდა, როცა გაგვიჭირდება, ან როცა გაგვეხარდება, მოხმობის გარეშე დავინახოთ ერთმანეთი.”
შეგახსენებთ, რამდენიმე დღის წინ კობა დავითაშვილი სოციალურ ქსელში დაწერა, რომ ის მძიმედ არის ავად და ტანჯვით სიკვდილი ელის.
იმავე დღეს ცნობილი გახდა, რომ მას “პატრიოტთა ალიანსი” დაეხმარება.
კომენტარები