“კოალიციაში შედიან “ოცნებასთან”? რაის ოპოზიციაა მაშინ?”

რა შუაშია პორტფელები? კოალიციაში შედიან „ქართულ ოცნებასთან“? რაის ოპოზიციაა მაშინ?“, – აცხადებს პოლიტოლოგი გია ხუხაშვილი „2020NEWS“-თან ხელისუფლებასა და ოპოზიციას შორის პორტფელების განაწილების შესახებ, გაჟღერებულ მოსაზრების კომენტირებისას.

„ნამდვილად არაადეკვატური მგონია ამ ტიპის გამოსვლა. აღმასრულებელ ხელისუფლებაში კოალიციის არაწევრები რანაირად შეიძლება? მით უმეტეს, ისინი, რომლებიც არ აღიარებენ არჩევნების შედეგებს? ეს არის ცუდი გზავნილი ამომრჩევლისთვის.

არ უნდა იყოს საუბარი აღმასრულებელ ხელისუფლებაში პორტფელებზე,  არც კომიტეტების განაწილებაზე. ორივე მხარემ უნდა დათმოს რაღაც.

პორტფელის გადაგდება ეს არ არის პოლიტიკური დათმობა, ეს არის ვიღაცის ამბიციების დაკმაყოფილება. რანაირად იქნება ხელისუფლების გადანაწილება აღმასრულებელ ხელისუფლებაში მინისტრის პორტფელი?

არსებობს პრემიერ-მინისტრი და მისი მინისტრთა კაბინეტი. პრემიერ-მინისტრი იღებს პასუხისმგებლობას გადაწყვეტილებაზე და ამ  პასუხისმგებლობას სოლიდარულად იზიარებს მინისტრი. კოალიციაში შედიან  „ქართულ ოცნებასთან“? თუ კოალიციაში შედიან, მაშინ შესაძლებელია“

ცნობისთვის, 2020 წლის საპარლამენტო არჩევნების შედეგებს ოპოზიცია არ აღიარებს და ქუჩის აქციებს მართავს. ოპოზიციური სპექტრის ერთ-ერთი წარმომადგენელის, „ლელოს“ წევრის, ლევან კობერიძის განცხადებით, ხელისუფლებისა და ოპოზიციის შეთანხმების ერთ-ერთი საკითხი, შესაძლებელია, ხელისუფლების მიერ მინისტრთა პორტფელის დათმობა იყოს.

მისივე თქმით, პოლიტიკური პასუხისმგებლობის თემაა, რომ ხელისუფლებამ მინისტრთა კაბინეტში დათმოს პორტფელები – ოპოზიციის სასარგებლოდ.