გაქცეული პატიმრების საქმე – თბილისის საქალაქო სასამართლომ კლინიკიდან გაქცეულ სამივე პატიმარს თავისუფლების აღკვეთა შეუფარდა. პროცესს სამიდან ორი დაკავებული ესწრებოდა.
კლინიკიდან გაქცეული პატიმრის ძმა, სასამართლოდან გირაოთი გაათავისუფლეს – ავთანდილ თათარაშვილს 3 000 ლარის გადახდა დაეკისრა.
“ავერსის” კლინიკიდან 3 პატიმარი პირველ ნოემბერს გაიქცა. სამივე მათგანი გაქცევიდან რამდენიმე საათში, თბილისთან ახლოს დააკავეს. დანაშაულის შეუტყობინებლობისთვის ერთ-ერთი გაქცეული მსჯავრდადებულის, გუჯა თათარაშვილის ძმა, ავთანდილ თათარაშვილი 4 ნოემბერს დააკავეს.
გაქცეული პატიმრების საქმეში ბრალდებულთა წრე დღეს კიდევ უფრო გაფართოვდა – რამდენიმე საათის წინ, ცნობილი გახდა, რომ დაკავებულია კიდევ ერთი ბადრაგი. მანამდე კი, 2 ნოემბერს დააკავეს საბადრაგო ჯგუფის ხელმძღვანელი, ივერი ნატრიაშვილი, რომელიც წინასწარ პატიმრობაშია.
კომენტარები