2020 წლის ივნისიდან, ერთი წლის განმავლობაში, სს „რუსთავის სამშობიარო სახლში“, სადაც 129 თანამშრომელია დასაქმებული, ხელფასი მხოლოდ ორ მათგანს ერიცხებოდა.
ინფორმაცია გაერთიანებულმა პროფკავშირებმა გაასაჯაროვა შრომის ინსპექციის დასკვნაზე დაყრდნობით.
როგორც შრომის ინსპექცია აღნიშნავს, 127 თანამშრომლის მიმართ მთლიანი სახელფასო დავალიანება 600 ათას ლარს აღემატება. „სამშობიარო სახლში „ხელფასის დაყოვნება დამკვიდრებული პრაქტიკაა”
არსებული დავალიანება, 600 ათასი რომ 12 თვეზე (ერთი წელი) და 127 თანამშრომელზე გავყოთ, მათი საშუალო ხელფასი გამოდის დაახლოებით 393 ლარი, ზოგს ცოტა მეტი ექნებოდა ხელფასი და ზოგს ცოტა ნაკლები, ცხადია. თავის მხრივ, სახელფასო სარგოს ეს ოდენობაც სამედიცინო პერსონალისთვის – ტრაგიკულია.
სამშობიარო სახლის არაგეგმური შემოწმება ორი თვის წინ დაიწყო, მას შემდეგ, რაც გავრცელდა ინფორმაცია, რომ გარდაიცვალა ექიმი ვასილ მენთეშაშვილი, რომელიც რუსთავის სამშობიარო სახლს 25 თვიან სახელფასო დავალიანებაზე ედავებოდა.
დარღვევებს შორისაა, მრავალთვიანი სახელფასო დავალიანებები, გადაუხდელი ზეგანაკვეთური შრომის ანაზღაურება, გაუმართავი შრომითი კონტრაქტები.
სს „რუსთავის სამშობიარო სახლის“ 100-პროცენტიანი წილის მფლობელი ექიმი ალექსანდრე ბარავკოვია.
კლინიკის შემოწმების დროს მან შრომის ინსპექციას აუხსნა, რომ სახელფასო ვალდებულება სამშობიარო სახლის ფინანსურმა პრობლემებმა გამოიწვია. ბარავკოვისვე განცხადებით, ფინანსური პრობლემები მოჰყვა შემოსავლების სამსახურის მიერ კლინიკის დაჯარიმებას და პანდემიას.
კომენტარები