“კიდევ უამრავი რამ შეუძლია მილიონნახევრიანი ქალაქის მერს, მაგრამ არ აკეთებს”

ჟურნალისტი, ნინო ჯანგირაშვილი, სოციალურ ქსელში, წერს:

” მეორე დღეა მილიონნახევრიანი ქალაქის მერი გამოდის და გვაფრთხილებს, სახლში დავრჩეთ და ხელები ვიბანოთ (ამისთვისაც მადლობა, მაგრამ ვიცით უკვე ისედაც), ნაცვლად იმისა, რომ მოგვიყვეს და აგვისხნას ლოჯისტიკური საკითხები, დაგვეხმაროს ყოველდღიური ყოფის დაგეგმაში, მოგვაწოდოს დეტალური ინფორმაცია მერიის სერვისების ადაპტირების შესახებ, თუ ასეთი არსებობს, და თუ არ არსებობს ყველაფერი გააკეთოს, რომ იარსებობს, გამოაცხადოს სპეციალური პროგრამები ქალაქში განსაკუთრებულად შეჭირვებულთა დასახმარებლად (რამდენიმე კაფე–ბარის იჯარისგან გათავისუფლებისთვის მადლობა, მაგრამ არ არის საკმარისი), ზუსტად აგვიხსნას ტრანსპორტის მოძრაობის გეგმა, სქემა, გატარებული სადეზინფექციო სამუშაოების შესახებ ინფორმაცია. რა ვიცი, კიდევ უამრავი რამ შეუძლია დედაქალაქის მერს, მაგრამ არ აკეთებს. განა მიკვირს, უბრალოდ მაინც დამეწერინა ეს სტატუსი.”