“კიდევ თუ ვერ გაიგებთ სალომეს ნათქვამს, მომმართეთ და გითარგმნით” – მერაბ მეტრეველი

ჟურნალისტი, მერაბ მეტრეველი:

არადა, ყელაფერი ძალიან ნათლად თქვა:

„ ამ ქვეყანაში ვინმეს თუ სჯერა, რომ შეიძლება ჩატარდეს ადგილობრივი არჩევნები, ეს არის დიდი მითი. არ არსებობს არჩევნები, არსებობს მხოლოდ და მხოლოდ არჩევნების თემა, რომელიც არის შემოგდებული ქართული ოცნების“ იმისთვის, რომ დააპირისპიროს ოპოზიცია,… მონაწილეობის მხარე ხომ წარუმატებლობით დამთავრდება. არ არსებობს ამ პირობებში გამარჯვების ფორმულა. პარტიები, რომლებიც მონაწილეობის მომხრეები არიან, არ აცხადებენ მათ ამბიციად, რომ გაიმარჯვებენ რეჟიმზე ან თუნდაც დაასუსტებენ რეჟიმს, არ ვიცი რა არის მიზანი, თუ ეს არის მათი პარტიული კონსოლიდაცია, ესეც არ მოხდება, უკვე მოყვა ისეთი დისკრედიტაცია, რომ კონსოლიდაციაც არ იქნება მომავალში. ვერაფერს ვერ მიაღწევენ, როგორც რეალურ შედეგს.“

რა არის აქ გაუგებარი? ცხადია,რომ ის არჩევნებში მონაწილეობის წინააღდეგია.

კი მაგრამ არც ბოიკოტი გვინდაო, რომ თქვა?

ერთია არჩევნებში პარტიების არმონაწილეობა (რაც თავისთავად არჩევნების ბოიკოტია) და სულ სხვაა „ბოიკოტის კამპანია“. „ბოიკოტის კამპანიის“ მიზანი უკვე არის ამომრჩეველმაც არ მიიღოს არჩევნებში მონაწილეობა ანუ უნდა დაიწყო სპეციალური კამპანაია და ხალხს მოუწოდო არ მივიდეს არჩევნებზე, რომ არჩევნებს ქონდეს კიდევ უფრო დაბალი ლეგიტმაცია.

ამაზე ამბობს, რომ ეს კამპანია არ გვინდა, რადგან არჩევნების შედეგები თუ ყლაბდება ამ ქვეყანაში, მიმსვლელთა რაოდენობა რატომ ვერ გაყალბდებაო? დაშინებით თუ აიძულებენ ხალხს „ოცნებას“ მისცეს ხმა, არჩევნებზე რატომ ვერ მიიყვანენ დაშინებითო. ამიტომ ეს კამპანია მარცხსთვის იქნება განწირულიო.

მოკლედ, რომ შევაჯამოთ სალომეს პოზიცია ასეთია: პარტიების მხრიდან არჩევნებში მონაწილეობა არის ხელისუფლების თამაშში, შეყოლა, ხოლო ხალხისთვის არჩევნებზე არ წასვლისკენ მოწოდება და საამისო კამპანიის აგორება, იქნება უშედეგო, ამიტომ სწორია არჩევნებში არმონაწილეობა და პროტესტზე და ერთიანობაზე კონცენტრირება.