პოლიტილოგი, ლევან ლორთქიფანიძე:
“პოლიტიკის მეცნიერებაში უკვე დიდი ხანია არსებობს დაქვემდებარებული პარტიის ცნება. მას ხშირად სუბორდინაციულ პარტიებს, სატელიტებს უწოდებენ.
რა ნიშნები გამოარჩევს დაქვემდებარებულ პარტიას?
1. ამგვარი პოლიტიკური ორგანიზაცია არ არის დამოუკიდებელი, არ შეუძლია ნაბიჯების თავისუფლად გადადგმა, მან ნებისმიერი სტრატეგიული მოქმედება ზემდგომ სტრუქტურასთან უნდა შეათანხმოს.
2. პარტია სატელიტები ფინანსურ მხარდაჭერას იღებენ ზემდგომი სტრუქტურებისგან ან ეს სტრუქტურები პარტიასთან დაახლოებულ ჯგუფებს ხელს არ უშლიან კაპიტალის პოლიტიკური მიზნებით დაბანდებაში.
3. როგორც წესი, დაქვემდებარებული პარტიები ემსახურებიან არსებული სტატუს კვოს შენარჩუნებას, არ უპირისპირდებიან გაბატონებულ წესრიგს და აქცენტები მთავარი საკითხებიდან მეორეხარისხოვან პრობლემებზე გადააქვთ.
4. ამგვარი პოლიტიკური ჯგუფები იქმნებიან სიტუაციურად, კონკრეტულ მომენტში წარმოშობილი პრობლემის გასანეიტრალებლად. მაშასადამე, ამგვარ პარტიებს იშვიათად აქვთ ქვეყნის განვითარების გრძელვადიანი ხედვა, რეალური ღირებულებათა სისტემა.
5. სატელიტური ჯგუფები აერთიანებენ ადამიანებს, რომელთაც თითქმის არაფერი აქვთ საერთო. პარტიის წევრები თანამოაზრეები, თანამებრძოლები არ არიან. ისინი უფრო დაქირავებული მუშახელის (სტაფი) შთაბეჭდილებას ტოვებენ.
თითქოს მშობლიური სვანეთის დატბორვისა და წყალქვეშ ჩაძირვის მომხრე არსების მიერ დაარსებულ პარტიაზეა დაწერილიო…
ასეთი უნიჭო სპექტაკლებით, მდარე ტყუილებით იწამლება ჩვენი პოლიტიკური ცხოვრება.
კიდევ ერთი რამ შეისწავლა ქოცობამ ნაცობისგან ხუთიანზე.”
კომენტარები