კიდევ ერთი მეწყერსაშიში ზონა თბილისში – ამჯერად საფრთხე წყენთის გზატკეცილის 22 ნომრის მცხოვრებლებს ემუქრებათ. გეოლოგ თეა გოდოლაძის შეფასებით, მეწყრული პროცესის დაჩქარება ქაოტურმა და არაგეგმიურმა მშენებლობამ გამოიწვია. მისი თქმით, არ არსებობს სათანადო გეოლოგიური დასკვნა, რის საფუძველზეც უნდა დაუწყებულიყო ადგილზე კორპუსის მშენებლობა.
“აშენებენ 9-სართულიან კორპუსს, ამ მშენებლობას აწარმოებს კომპანია “ა კვადრატი”, ფაქტობრივად მისი გამოცდილება მხოლოდ ერთი აშენებული კორპუსით შემოიფარგლება. დაიწყო ისევ გრუნტმა დაშლა, იმიტომ, რომ ასეთ დაწოლას ეს გრუნტები, ეს ნიადაგი ვერ უძლებს, შესაბამისად ის ხდება დენადი. რამდენჯერმე მივმართეთ მერიის სამსახურებს, არავითარი რეაგირება არ იყო”, – ამბობს თეა გოდოლაძე.
კომენტარები