,,კიდევ ბევრს დახოცავს “ეფესბე” ტერაქტებით, რომ როგორმე უკრაინა გამოაცხადოს ტერორისტულ სახელმწიფოდ” – ლევან ჯავახიშვილი

ჟურნალისტი ლევან ჯავახიშვილი:

,,მარია ზახაროვა – “თუ დუგინის შვილის გარდაცვალების საქმეში უკრაინული კვალი დადასტურდა, მაშინ უნდა ვისაუბროთ კიევის რეჟიმის ტერორიზმის პოლიტიკაზე”

აი, დუგინის შვილის მკლელობის რეალური მიზეზი. კიდევ ბევრს დახოცავს “ეფესბე” ტერაქტებით, რომ როგორმე უკრაინა გამოაცხადოს ტერორისტულ სახელმწიფოდ. დასწრებაზეა საქმე-დასავლეთი იქით აპირებს რუსეთის ტერორისტულ სახელმწიფოდ აღიარებას.
კი, კიდევ ბევრს დახოცავენ ტერაქტებით, რომ უკრაინა ტერორისტების ბუდედ გამოაცხადონ და მერე, ყველაფერზე წავლენ, რაზედაც ჯერ არ მიდიან. არ დაგავიწყდეთ, რუსეთის იმ ხელისუფლებაზე ვლაპარაკობ, რომელიც 1997-1998 წელს, ინგუშეთში, დაღესტანში, მოსკოვში, პეტერბურგში, ფსკოვში კორპუსებს აფეთქებდა, უდანაშაულო, მათ შორის, რუსი ეროვნების ხალხს ხოცვდა და ჩეჩნებს აბრალებდა, რომ ჩეჩნეთში მეორე ომი დაეწყო, ჩეჩნეთში შეჭრის საბაბი მოეპოვებინა. ჩეჩნეთშიც ხომ ტერორისტებს ებრძოდა პუტინი, როგორც მაშინ აცხადებდა პრემიერის რანგში. ერთ-ერთში მეორდება ყველაფერი, უკვე აპრობირებულ მეთოდს იყენებენ. ჩეჩნეთში გაამართლა ამ მეთოდმა და იმიტომ, რომ ჩეჩნების გენოციდზე მთელმა მსოფლიომ თვალი დახუჭა. მაშინ კორპუსებს აფეთქებდნენ და ახლა მეტროებში, რკინიგზის ვაგზლებსა და სხვა ხალხმრავალ ადგილებში გაჟუჟავენ თავისიანებს.
არ დამიწყოთ ახლა ჭკუის სწავლება და იმის მტკიცება, რომ პუტინის ხროვა ამას არ გააკეთებს.
რა არ უკადრებიათ, ის მითხრით.”

შეგახსენებთ, ФСБ ირწმუნება, რომ შემსრულებელი უკრაინის მოქალაქე, ვოვკი ნატალია, პავლეს ასული, დაბადებული 1979 წელს.  ФСБ ირწმუნება, რომ 43 წლის რომაზოვის პოლკის მებრძოლი  სწავლობდა დარია დუგინას გადაადგილების მარშრუტს.

ნაქირავები ჰქონდა ბინა დუგინების სახლის სიახლოვეს, იმყოფებოდა იმ ლიტერატურ ფესტივალზეც, რომელსაც  პუტინის იდეოლოგი და მისი ქალიშვილი ესწრებოდნენ.