26 ივლისს, სერიალ „ჩემი ცოლის დაქალების“ მორიგი სეზონი დასრულდა. სეზონის ფინალმა უამრავი გამოხმაურება გამოიწვია. 5 შვილის დედის ნინას გადაწყვეტილება ყველასათვის მოულოდენლი აღმოჩნდა. ამ ეპიზოდს გამოეხმაურა სოფო ფირანიშვილი, რომელმაც დიდი ბრძოლის შედეგად დაამარცხა სიმსივნე და ახლა სხვებს ეხმარება ამ ბრძოლაში.
„ჯერ კიდევ ისრაელში ვიყავი და ქიმიებს ვისხამდი, ნინას პერსონაჟს ჩვენდა გასახარად თმები გადაპარსეს, ერთი ამბავი ატყდა, გმირობად შერაცხეს.
მას მერე კიდევ ერთი სატელევიზიო თმის გადაპარსვა შედგა, მაშინაც და დღესაც იგივე აზრზე ვარ, თუ ვინმეს ჩვენი გვერდში დგომა უნდა, ჯანსაღი გარემო გაგვიყავით რა.
საკუთარი თმა მეყო სადარდებლად, კიდევ თქვენიც რომ არ დამიმატოთ (თუმცა ვინც ონკოპაციენტი არ ხართ, ვერც ამ ხუმრობას და ვერც ამ ტკივილს ვერ ჩაწვდებით და არც ეცადოთ).
და რაც შეეხება გუშინდელ „სიკვდილის რეპეტიციებს“, ოჯახის დატოვებასა და ნახარშების სმას, ვწუხვარ, რომ ეს მოვისმინე.
ვწუხვარ, რომ მაშინ, როცა მთელი მსოფლიო ადამიანებს მოუწოდებს და თქვენც, როგორ სასაცილოდაც არ უნდა ჟღერდეს ეს ახლა, რომ კიბო არ არის განაჩენი, თქვენ შეძელით და ძალიან ბევრ ადამიანს გამოუტანეთ განაჩენი (და ეს მაშინ, როცა ბალახების ნახარშების სმით იღუპება ნახევარი საქართველო!!!).
ვწუხვარ, რომ ამას ვუყურე, ვწუხვარ, რომ „პასუხისმგებლობა“ არანაირ კონტექსტში არ გაგაჩნიათ.
ციკლიდან: კიბო არ ნიშნავს სიკვდილის რეპეტიციებს და ეს ზუსტად გახსოვდეთ, ადამიანებო!
– მე უკვე დავამთავრე ეს ამბები, მიმდინარეებზე ვდარდობ“
კომენტარები