“ხველის დროს ნიღაბს იხსნიდა და ამბობდა, რომ ხალხის დაინფიცირება სურდა” – ესპანეთში დააკავეს კაცი, რომელმაც 22 ადამიანი დააინფიცირა

ესპანეთში დააკავეს 40 წლის კაცი, რომელმაც კორონავირუსით 22 ადამიანი დააინფიცირა. ინფორმაციას BBC ავრცელებს.

მედიის ცნობით, მამაკაცი, ხველისა და მაღალი ტემპერატურის მიუხედავად, სამსახურსა და სპორტდარბაზში დადიოდა.

ინფიცირებული სამსახურში ხველის დროს ნიღაბს იხსნიდა და თანამშრომლებს ეუბნებოდა, რომ მათი დაინფიცირება სურდა.

გავრცელებული ინფორმაციის თანახმად, კორონავირუსი დაუდასტურდათ ინფიცირებული მამაკაცის თანამშრომლებს, რამდენიმე ადამიანს სპორტდარბაზიდან მისი ოჯახის წევრებსა და ნათესავებს.