ბიზნესმენმა გიორგი ჩიკვაიძემ ცოტა ხნის წინ გაიგო, რომ მოსამართლე იზა კელენჯერიძე ხვალ მის საქმეს განიხილავს.
საქმე ეხება აღკვეთი ღონისძიების შეცვლას, მას აქვს საპატიმრო გირაო და ბიზნესმენი ვარაუდობს, რომ ამ გადაწყვეტილების შეცვლას დაკავებით მოითხოვენ და მას რამდენიმე საათში ხელბორკილებს დაადებენ.
მე და ჩემი საქმიანი პარტნიორი არც კი დავუკითხივართ, ისე წაგვიყენეს ბრალი. დღეს გავიგეთ, რომ ხვალ უეცრად ჩაინიშნა ჩვენი სასამართლო პროცესი, ერთი მიზეზით, რომ პროკურატურა აყენებს შუამდგომლობას, აღკვეთი ღონისძიება გირაო, შეგვიცვალონ პატიმრობით. რა თქმა უნდა, დამნაშავე ქალბატონი ამას დაუყოვნებლივ შეასრულებს, რადგან მან არაერთხელ დაამტკიცა, რომ არის კლანის მოსამართლე. მზად ვართ ამ დაკავებისთვის, არანაირ წინააღმდეგობას გავუწევთ. ხვალ დაგვაკავებენ, თუმცა ეს ბრძოლა გრძელდება. კმაყოფილი ვარ, რომ ამ სამ დღეში მოვახერხეთ და საზოგადოებას ვაჩვენეთ, თუ რამდენად ჩამოშლილია ეს რეჟიმი თავის სტრუქტურებიანდ. ვფიქრობ, ბევრმა მოვლენამ დააჩქარა ეს დაკავების პროცესი, რადგან ჩვენ იმ ადამიანების მხილებაც კი დავიწყეთ, ვინც დაგვდევდა.
აჭარის ფინანსურ პოლიციაში მუშობს, მესამე დღეა, ტიტუშკის ფორმით ბუჩქებ-ბუჩქებ დაგვსდევს. ეს ადამიანები ისეთ მონებად არიან გადაქცეულნი, როგორადაც ბიძინა ივანიშვილმა ჩამოაყალიბა. შესაბამისად, არაბიძე იქნება თუ სხვა, გვარს მნიშვნელობა არ აქვს, ეს სისტემა ბოლო თვეებს ითვლის“, – ამბობს ის.
კომენტარები