„ხუთი წელი გახდება რაც არ მინახიხარ, აღარც ეს ოთახია და აღარც ჩემი ფეხი აღარ შესულა ამ ოთახში“

ჯამბულ გამცემლიძე სოციალურ ქსელში იური ვაზაგაშვილს იხსენებს, რომლის მკვლელობიდან 5 წელი გავიდა:

„დღეს ხუთი წელი გახდება რაც არ მინახიხარ, აღარც ეს ოთახია და აღარც ჩემი ფეხი აღარ შესულა ამ ოთახში,იმის მერე რაც დაგემშვიდობე 19 იანვარს, ამბობენ დრო მკურნალიაო, ტყუილი ყოფილა, დრო მიდის და ტკივილი იმატებს,ეს სურათიც მე გადაგიღე იმ დღეს რაც უკანასკნელი აღმოჩდა,……………მეხი დამეცა ასე მეგონა,რამხელა ტკივილი ხარ ძმაო,ჩემი გიოს მერე არ მეგონა თუ რაიმე ასე ჩამცემდა ლახვარს……საიქაოშიც გამასწარი,სამეგობროში პირველო მეგობარო…..ჩვენი შვილიშვილები უკვე დიდები არიან,ერთად მიიკვლევენ ცხოვრების გზას,ყველაფერს მოგიყვები,ახლოვდება შეხვედრის დრო………შეხვედრამდე……. “