ხმაური და სიტყვიერი დაპირისპირება თბილისის საკრებულოში. ოპოზიცია კახი კალაძის გადაწყვეტილებას და ტრანსპორტზე ფასის ზრდას აპროტესტებს. სატრანსპორტო საკითხთა კომისიის სხდომაზე კონფლიქტი სწორედ ამ საკითხის განხილვას მოჰყვა.
“ნაციონალური მოძრაობის” წევრმა ზვიად კუპრავამ სხდომაზე მოითხოვა, რომ ტრანსპორტზე ბილეთის ღირებულება იგივე დარჩეს.
დაპირისპირება მას შემდეგ დაიწყო, რაც საკრებულოს “ქართული ოცნების” წევრმა რევაზ სოხაძემ სხდომაზე დამსწრე ერთ-ერთ მოქალაქეს უზრდელი უწოდა.
სიტყვიერ დაპირისპირებაში ჩაერთნენ კომისიის სხვა წევრები.
ადგილზე სიტუაციის განსამუხტად უსაფრთხოების სამსახურის თანმშრომლების გამოძახება გახდა საჭირო.
ტვ პირველი
კომენტარები