ხმაური და დაპირისპირება ბათუმში, წერეთლის ქუჩაზე – დილიდანვე გარემოვაჭრეებთან მუნიციპალური ინსპექციის წარმომადგენლები მივიდნენ და იმ ტერიტორიის დატოვებას მოსთხოვეს, სადაც წლებია სეზონურად ქაფშიას ყიდიან.
ადგილობრივები ინსპექციის მისვლას არჩევნების დასრულებას უკავშირებენ . ისინი აცხადებენ, რომ ადგილს არ დატოვებენ:
“4 თვის უკან, სამი თვის, ორი თვის უკან უკან სად იყავით?! ხმა გინდოდათ?! მე ხამსა დავტოვე ქვაბებში ჩაყრილი და მუდრეგი არჩილ ჩიქოვანი მოვხაზე. კანალიზაცია თუ არის ჩახერგილი და სიბინძურე თუა ყველა ქუჩაზე ანალოგიური თემაა ნამდვილად და როცა გაწვიმდება მთელი ქალაქი დატბორილია”, – ამბობს გარემოვაჭრე.
მოვაჭრეები შეთავაზებულ ალტერნატიულ ფართში შესვლაზე უარს ამბობენ, რადგან მათი თქმით, გადასახადის გადახდას ვერ შეძლებენ.
ადგილზე ენმ-ის წარმომადგენლებისც მივიდნენ.როგორც ბონდო ტევდორაძემ აღნიშნა, ოცნება მეორე ტურის გადაგორებას დაელოდა, იმიტომ, რომ გარემოვაჭრეების ხმაური არ აწყობდა.
“დაელოდნენ მეორე ტურების დასრულებას და არჩევნების გადაგორებას, იმიტომ რომ არ აწყობდათ გარემოვაჭრეების ხმაური. აქამდე სად იყვნენ. გაჭირვებული ხალხია გამოსული და 2 ლუკმა უნდა შეიტანონ სახლში” – აცხადებს ბონდო თევდორაძე.
კომენტარები