რუსეთის რესტორატორთა კავშირმა რუსული სამზარეულოს ერთიან რეესტრში ცვლილება შეიტანა. ხინკალი, რომელიც აქამდე ქართულ კერძად მიიჩნეოდა, ახლა რუსული სამზარეულოს ნაწილი გახდა. ამის შესახებ გამოცემა panorama.pub იუწყება.
„რეესტრში ჩაწერა გრძელი და საკმაოდ შრომატევადი საქმეა. ვმუშაობდით არქივებში, შევისწავლეთ წყაროები, კონსულტაციები გავიარეთ წამყვან ექსპერტებთან – ხინკლის შესახებ პირველი ჩანაწერი XV საუკუნის ხელნაწერებში მოიძებნა, ეს კერძი მეფე ივანე III-ს სუფრაზე მიართვეს. ქართულ წყაროებში კი ხინკალი მხოლოდ 4 საუკუნის შემდეგ გაჩნდა. შესაბამისად, არანაირი ეჭვი არა გვაქვს, რომ ეს ისტორიული რუსული კერძია“, – განაცხადა შეფ-მზარეულმა კონსტანტინე ივლევმა.
კომენტარები