ჯანდაცვის ექსპერტი, ნორვეგიის ჯანდაცვის მინისტრის მრჩეველი ზაზა წერეთელი სოციალურ ქსელში კორონა ვირუსთან დაკავშირებით იუმორნარევ სტატუსს აქვეყნებს.
“საქმიანი წინადადება საქართველოს ეკონომიკისა და ტურიზმის კიდევ უფრო გასაძლიერებლადმაშინ როდესაც ევროპის ქვეყნები, ომიკრონის შტამის გამო აცხადებენ შეზღუდვებს, და ცდილობენ ქვეყნის მომავალი გადაარჩინონ. საქართველოში კი კოვიდი პრაქტიკულად დამარცხებულია. საქართველომ გახსნას საშობაო ტურიზმი, კერძოდ ევროპიდან ჩამოვიდნენ აქ საშობაო ქეიფებისა და წვეულებების ჩასატარებლად.
მასობრივი თავშეყრები ყველგან აკრძალულია და მივცეთ ევროპელებს საშუალება ეს შეკრებები საქართველოში ჩაატარონ. კოვიდი არ გვაწუხებს და სამაგიეროდ ჩვენ შემოსავალს მივიღებთ, ევროპის ქვეყნებს კი დავეხმარებით თავიდან აიცილონ მასობრივი დაინფიცირება. ეს ევროკავშირში გასაწევრიანებლად კიდევ ერთი გადადგმული ნაბიჯი იქნება.
პ.ს. ცოტა უნდა დააპიარონ.. მეტი ჩამოვა. რაიმე სლოგანი – კოვიდისგან თავისუფალი ზონა…ხინკალი როგორც კოვიდის დამამარცხებელი…და ასე შემდეგ… – წერს სოციალურ ქსელში ზაზა წერეთელი.
კომენტარები