ინტერნეტში გავრცელდა ფოტო, კახი კავსაძე პატრიარქთან არის სტუმრად, რომელსაც აწერია, რომ ლეგენდარული მსახიობი დაბადების დღეს ულოცავს უწმიდესს. როგორც აღმოჩნდა, ფოტო სამი წლის წინანდელია.
“პრაიმამბებს” მსახიობის ძმა, ოპერის მომღერალი იმერი კავსაძე ესაუბრება:
იმერი კავსაძე: – ძველი ფოტოა, ნიღაბი არავის უკეთია, ხომ ნახეთ. როგორც მახსოვს, უწმინდესი 85 წლის რომ გახდა, მაშინ მივულოცეთ.
აუცილებლად გავაგრძელებთ საპატრიარქოში სიარულს, როგორც კი ეს პანდემია გადაივლის და კახიც შეძლებს გარეთ გასვლას.
პირველად რომ გამაცნო კახიმ, მიყურა, მიყურა უწმინდესმა და კახის უთხრა, ძალიანა გგავსო.
გივი ბერიკაშვილი ცოცხალი რომ იყო, ერთად შაბათის ლოცვას ვესწრებოდით, წირვებზეც დავდიოდით. გივის გარდაცვალების შემდეგ ერთხელ ვიყავით საპატრიარქოში და საოცარია, მაგრამ ხელმოჭრილებივით ვიყავით. მერე არ მივსულვართ ლოცვაზე. უწმინდესს მოვუკითხივართ, სად არიან კავსაძეებიო? საოცარი მეხსიერება აქვს. წარმოიდგინეთ, რამხელა მადლია უწმინდესის სიტყვები ჩვენს მიმართ. სიცოცხლის ძალაა პირდაპირ. ბედნიერებაა.
ახლა უწმინდესთან ადამიანი ფრთხილად უნდა იყოს, რომ არაფერი შეუტანოს. ღმერთმა დაიფაროს… როგორც კი ჩაწყნარდება ყველაფერი, უეჭველი განვაახლებთ საპატრიარქოში სიარულის ტრადიციას.
კომენტარები