პოლიტოლოგი და ექსპერტი ეკონომიკურ საკითხებში დემურ გიორხელიძე 31 ოქტომბრის საპარლამენტო არჩევნებს აფასებს სოციალურ ქსელში:
“რაც სახეზეა – არჩევნების შედეგი, – ერთი მხრივ, მოლოდინების გაცრუების შედეგია. (2012-ში ადამიანებს სხვა რამ სურდათ და მხოლოდ მიიღეს რაღაც, რომელიც მათ არ აკმაყოფილებს)!
მეორე მხრივ, ამ იმედგაცრუებამ, ქართული ახირებული ხასიათიდან გამომდინარე, პროტესტი გამოიწვია. ქართველს კი პროტესტი სპეციფიკური აქვს: იგი ჯიბრზე შენს საწინააღმდეგოდ იმოქმედებს და არა პრაგმატული მოსაზრებებითა და ლოგიკის საფუძველზე.
ასეც მოხდა! მაგრამ ეს თავისთავად არ მომხდარა!
ხელისუფლების მთელი პროპაგანდისტული პოლიტიკა წლებია ემსახურება შეფარულ მიზანს: ნაციონალური მოძრაობის პროპაგანდას, რადგან როცა პოლიტიკური ველის პოლარიზაციას ახდენ, შენ სპობ საშუალებებს რაიმე ალტერნატივის გაჩენისა და სპობ პერსპექტივას პოლიტიკური დაბალანსებული ველის შექმნისათვის, რომელსაც შეეძლება წონასწორობის დაკავება და გაწონასწორებისა და შეკავების” მექანიზმების ამოქმედება…
როცა „შუა გაკრიფე“ ფაქტობრივად ამზადებ ნიადაგს მომავალში ხელისუფლების გადაცემისათვის: რადგან სხვა არავინ იქნება, ხელისუფლება იმან უნდა გადაიბაროს, რომელიც მეორე მხარესაა…
პოლიტიკური თვალსაზრისით მცდარი და სინამდვილეში ყალბი სლოგანი: „დავასრულოთ ნაცები!“,
სინამდვილეში ნაცების პროპაგანდა იყო და მოქალაქეების ყურადღების კონცენტრაციას მათზე ახდენდა… ტექნოლოგიამ 100%-ით შედეგიანად იმუშავა და მიზანი მიღწეული იქნა.
რადგან, არ არსებობდა მილიონიდან 1 შანსიც კი, ნაცმოძრაობა „დასრულებულიყო„… ამის თაობაზე არაერთ საგაზეთო თუ ტელეინტერვიუში მივუთითე, რომ ეს უაზრო სლოგანი და პოლიტიკურად ძალზე მცდარი და საშიში პროპაგანდა იყო…
„ოცნება“ თვალთმაქცობს, როცა წინა ხელისუფლების დანაშაულზე საუბრობს, რადგან დამნაშავეების გასამართლება მოწვეული ცნობილი ადვოკატებისა და ღია სასამართლო პროცესების საშუალებით შეეძლო, მაგრამ, ამის ნაცვლად, – კოჰაბიტაცია და ყალბი პროპაგანდა ამჯობინა!
დღევანდელი შედეგი – ლოგიკურია!
ხელისშეწყობამ ნეოლიბერალური იდეოლოგიის პარტიებისა, მათი დაფინანსების უზრუნველყოფამ და ღრმა პროპაგანდამ თავისი საქმე გააკეთა – ისინი პარლამენტში არიან!
მათი მხარდაჭერა განაპირობა აგრეთვე ბოლო 30 წლის განმავლობაში განათლების სისტემის განადგურებამ ახალგაზრდებში ყალბი, დამანგრეველი და დესტრუქციული ფასეულობათა სისტემის, ყალბი ორიენტირების გაჩენამ… ამ ტყლაპო-შეხედულებების მხარდაჭერა მხოლოდ გაუნათლებელ ადამიანებს შეუძლიათ!
არცერთი კლასიკური კონსერვატული იდეოლოგიის მატარებელი პოლიტიკური ძალა პარლამენტში ვერ მოხვდა! ერთი კონსერვატორული კლასიკური მემარჯვენე პარტიაც კი, დაფუძნებული ტრადიციულ ფასეულობაზე!
ეს ერთადერთის მაჩვენებელია: ქართველებს დიდად არაფრად უღირთ ტრადიციული კულტურული ფასეულობები, საკუთარი კულტურა, – საკუთარი იდენტურობა!
არ უღირთ! შედეგიც შესაბამისია…
თუ ასე გაგრძელდება, საქართველო აუცილებლად დაეშვება იმ უკიდურეს მდგომარეობაში, როცა მისი იდენტურობა, მისი გავლენა ამ ქვეყანაში ნიველირებული იქნება და იგი ეროვნულ უმცირესობაში გადავა!
ორი რამ გარანტირებულს ხდის ამ სასტიკ პერსპექტივას:
(ა) დემოგრაფიული კატასტროფა
(ბ) გაუნათლებლობის კულტივირება (განათლების დეგრადაცია) და ყალბი იდეოლოგიური ორიენტირების (გლობალურად ქართულ კულტურაში) გავრცელების მხარდაჭერა სახელმწიფოს დონეზე!“
კომენტარები