ანალიტიკოსი არჩილ გამზარდია:
„1. შიმშილობა პოლიტიკური აქტია უპირველეს ყოვლისა, როგორც პროტესტის ფორმა.
2. შიმშილობა არსებობს სხვადასხვა ტიპის და ფაზის, მათ შორის მშრალი შიმშილობა ყველაზე უკიდურესი ფორმაა.
3. შიმშილობა შეიძლება ერქვას პროცესს, სადაც ადამიანი იღებს მხოლოდ ისეთი ტიპის ნივთიერებებს, რომელიც მის სასიცოცხლო ფუნქციებს უნარჩუნებს.
შიმშილობის პროცესში პირი შეიძლება მედიკოსების თანდასწრებით იღებდეს არა იმდენად საკვებს, რამდენადაც ნივთიერებებს, რომელიც მედიკოსებისგან მიეწოდება ჯანმრთელობის მართვის კუთხით, სავარაუდოდ, საშუალო და გრძელვადიანი მიზნით.
4. სააკაშვილის პროტესტის ეს ფორმა – შიმშილობა, მისი თანამოაზრეების მხრიდან, ჩანს, გაზვიადებულად არის შეფუთული, რაც არასწორია. ასევე, ჩანს, გაზვიადებულია ჯერჯერობით მისი ჯანმრთელობის დაზიანების მდგომარეობა, ეს არასწორია. სრული გამჭვირვალობით შეიძლებოდა სურათის წარმოდგენა და ის თავის პოლიტიკურ ფუნქციას არ დაკარგავდა.
5. რაც შორიდან ჩანს, სააკაშვილის ჯანმრთელობის მდგომარეობა საპატიმროს ფარგლებში ჯერჯერობით უმკლავდება საჭიროებებს და არ მოითხოვს მის მრავალპროფილურ სამოქალაქო კლინიკაში მყისიერ გადაყვანას.
6. ხელისუფლება არასწორად ამბობს, რომ თითქოს სააკაშვილი არ შიმშილობს, რადგან მოცემული სურათი ადასტურებს მის შიმშილობას, თუმცა არა მძიმე ფორმით, ხოლო ოპოზიცია, სავარაუდოდ, არასწორად ამბობს, რომ სააკაშვილი უმძიმეს მდგომარეობაშია და ნებისმიერ წამში შეიძლება ფატალურად დასრულდეს, ეს, ჩანს, ამ ეტაპზე გადაჭარბებულია.
7. ნებისმიერ შემთხვევაში პატიმარს აქვს უფლება მოითხოვოს სამართლიანი სასამართლო (მიუხედავად იმისა, ვინაა პატიმარი და რამდენად ეთიკურია მისი მხრიდან იმის მოთხოვნა, რასაც თავად ეწინააღმდეგებოდა, როგორც მმართველი), ასევე უფლება აქვს მოითხოვოს ღია სასასამართლო და არა ციხეში საიდუმლოდ ჩატარებული სამართლებრივი რიტუალი.
ჩემთვის, როგორც ცალკე აღებული მოქალაქისთვის, იხატება სურათი, რომლის მიხედვითაც სააკაშვილი ზომიერი (ჯერჯერობით არა სასიცოცხლო) შიმშილობის ფორმატში გამოხატავს თავის პროტესტს, თუმცა მისი მდგომარეობის მიმართ, ჯერჯერობით გადაჭარბებულად გამოდის ინფორმაცია. მგონია, რომ ოპოზიციამ და თავად სააკაშვილმა მეტი პოლიტიკური ნებისყოფა უნდა გამოხატოს, იყოს ღია, სრულად მართალი და გამჭვირვალე. სხვა შემთხვევაში, ის მისცემს მწტად ნოყიერ ნიადაგს სახელისუფლებო პროპაგანდას.“
კომენტარები