“ხაზარაძის მესიჯია “ბიძინა არაფერ შუაშია” – ისეთივე აბსურდი როგორც თბილისის გამოგლეჯვა იყო” – ჩერგოლეიშვილი

ფედერალისტების თანადამფუძნებელი, თამარ ჩერგოლეიშვილი:

ხუხაშვილის სულელურ კონსპირაციას, ვითომ ივანიშვილი არაფერ შუაშია და კობახიძე მართავს პროცესებს რუსეთის კარნახით და ივანიშვილის გვერდის ავლით – იმხელა ტრიბუნა მისცა ავტოკრატიულმა ტელემედიამ, რომ უკვე ვფიქრობ ხაზარაძე ლაპარაკობს მისი პირით – ხაზარაძის მესიჯია “ბიძინა არაფერ შუაშია”.

მეგობრებო, ხაზარაძის კონტროლირებული მედიების მიერ დაწყებულ კამპანიას, თითქოს რუსეთი “ბიძინას სტერილიზაციას ახდენს” და მას კობახიძით ანაცვლებს, არანაირი, საერთოდ არანაირი სისტემური საფუძველი არ გააჩნია.

ძალაუფლების განხორციელებას სჭირდება ძალაუფლების ვერტიკალი.

ამ ვერტიკალს სჭირდება საყრდენი ხალხის სახით (თუნდაც ეს ხალხი ცხვრის ფარად მიგაჩნდეს).

ავტოკრატიულ ძალაში, სახელად ქართული ოცნება, ხალხის საყრდენი აქვს მხოლოდ ბიძინას.

ანუ ძალა აქვს მხოლოდ და მხოლოდ ბიძინას.

ბიძინას გარეშე კობახიძეც, ღარიბაშვილიც, გახარიაც – არარაობები არიან.

რუსეთს რომ ხალხში საყრდენის ფოკუსით გაჩენა შეეძლოს, ბურჯანაძე, ნოღაიდელი, კუკავა და რავი… ლეგიონია კრემლში მოსეირნეთა სახელი – ოხრად არ დარჩებოდა.

ანუ სრული აბსურდია რასაც ხაზარაძის სპიკერები ბოდავენ.

ისეთივე აბსურდი როგორც ოთხში დაწყება და ოთხში დასრულება, ან თბილისის გამოგლეჯვა იყო.

სინამდვილეში, ეს ქართველი ხალხის ინტელექტის შეურაცხმყოფელი ჭორი არის ქართველი ხალხის გაბრიყვების მცდელობა (ცხადია დებატები გამქრალია ხაზარაძის ჭაობებიდან, თორემ ხუხაშვილისგან წვერიღა დარჩებოდა).

აი როგორც ბიძინა გაბრიყვებთ, თითქოს მისი მანევრები და შიდა წმენდა, კორუფციას უკავშირდება, სინამდვილეში კი იმაზე ეჭვიანობს რომ ძალაუფლება ხელიდან უსხლტება და სჯის მათ, ვისშიც ეჭვი ეპარება, რათა მისმა “ერთგულებმა” დაუბრკოლებლად განაგრძონ ხალხის ძარცვა.

იგივენაირად გატყუებთ ხაზარაძე და ალიექსპრესის მაკიაველიზმით შეურაცხგყოფთ.

რუსეთს ხალხი როგორ არ ყავს, სრული ინფილტრაცია აქვს როგორც რეჟიმში ისე ოპოზიციაში.

უბრალოდ ამ ხალხს არ აქვს ძალა.

(ასლანი რატომ წაიყვანა როცა აჭარა აჯანყდა? – საყრდენი ჩამოეშალა ასლანს და ხელოვნურად ვერ ააგებ საყრდენს)

ძალა აქვს მარტო ბიძინას – საყრდენი აქვს მხოლოდ მას.

და კობახიძით მექანიკური ჩანაცვლება ვერ მოხდება.

სტალინს დასჭირდა 20k კაცის დახვრეტა და 200k დაჭერა/გადასახლება – მთელი ელიტის და შემოგარენის, საზოგადოების დასამორჩილებლად კობახიძემ როგორ უნდა დაიჭიროს ძალაუფლება – მანდატი აქვს თუ რა.

მასეთი დებილი კრემლში არავინაა.

მოკლედ, თუ მოგვისმენთ, ვერ გაგაბრიყვებენ.