“ხაშურის ქეისი ბევრ კითხვას აჩენს და ადგილობრივი ექიმები არაადეკვატურად აღელდნენ”

ჟურნალისტი, ლელა კურდღელაშვილი, სოციალურ ქსელში წერს:

“ხაშურის შემთხვევაზე უკვე დროა დავწერო ის, რაც ამ დროისათვის გაირკვა:
იცით, რომ 6 აპრილს დავწერე შემთხვევის შესახებ, რომელიც ვიცოდი შესაბამის წყაროზე დაყრდნობით და რაც დადასტურდა კიდეც – ანუ, ხაშურიდან ჩამოვიდა პაციენტი, რომელიც მივიდა სულ სხვა პროფილის ექიმთან და შემთხვევით გაირკვა, რომ მას წინა დღით სიცხე ჰქონდა, რის შემდეგაც ის სწრაფ ტესტზე გაიტესტა, ტესტმა კი კოვიდზე დადებითი პასუხი უჩვენა. ამის შემდგ ექიმები გადაიყვანეს იზოლაციაში, პაციენტი კი ერთ-ერთ კლინიკაში იქნა გადაყვანილი. გასაგება, რომ სწრაფი ტესტის შემდეგ გაკეთედებოდა ლუგარის ლაბორატორიის ანალიზი, რომელსაც 24 საათი სჭირდება.
ზუსტად ვიცი, რომ ეს ინფორმაცია უნდა დამეწერა და ამიტომაც დავწერე – რადგან:

1. თუ პაციენტს დაუდასტურდებოდა ინფიცირება, უმჯობესი იქნებოდა ადამიანებს მაქსიმალურად შეზღუდათ კონტაქტები

2. გაუგებარი იყო, რატომ არ ჰქონდა პაციენტს შესაბამისი ინფორმაცია და რატომ არ მიაწოდა ექიმებს ინფორმაცია დროულად.

ცოტა უცნაური იყო, რომ ამ სტატუსზე მწვავე და არაადეკვატური რეაქცია მისცეს სწორედ ადგილობრივმა ექიმებმა. ინბოქსში უფრო აქტიურობდნენ, ვიდრე რეალობაში.

რამდენადაც ჩემთვის ცნობილი გახდა, ასევე არ მისცეს ინტერვიუები ადგილზე ჩასულ ჟურნალისტებს.მიუხედავად იმისა, რომ წესით, მოსახლეობისთვის ზუსტი ინფორმაცია უნდა მიეწოდებინათ და ეთქვათ, რომ მიმდინარეობდა პაციენტზე დაკვირვება და ელოდებოდნენ პასუხს ლუგარიდან. ან ეთქვათ, რომ არაფერი იცოდნენ.

ამის ნაცვლად, იყო მოთხოვნა, რომ ამეღო ინფორმაცია, რომელსაც უწოდეს დეზინფორმაცია და რომელიც 7 აპრილს გამოქვეყნებულ განცხადებაში ხაშურის საზოგადოებრივი ჯანდაცვის ცენტრმა თავადვე დაადასტურა: ციტატა განცხადებიდან – ” მოგახსენებთ, რომ მიუხედავად საკორდინაციო მონაცემების არ არსებობისა, მოძიებული იქნა პიროვნება, რომელსაც აქვს კადიოლოგიური ანამნეზი, თბილისში კონსულტაციის დროს გამოვლენილი ტემპერატურის გამო მოთავსდა თბილისის ერთერთ კლინიკაში,სადაც ამავე მიზეზით ჩაუტარდა გამოკვლევა ვირუსზე შედეგი უარყოფითია” – წერია მათ მიერ 7 აპრილს გავრცელებულ განცხადებაში,

ერთსაც ვიტყვი – საზოგადოებრივი ჯანდაცვის ცენტრის განცხადება ცოტა ნაადრევი და არაგონივრულად ოპტიმისტური მეჩვენება, აქ არ დავაზუსტებ, რატომ, თუმცა – ექიმებმა უკედ იციან, როდის შეიძლება ასპროცენტიანად ითქვას დამაჯერებელი პასუხი.

თუმცა, არის ერთ ძალიან უცნაური ამბავი, რომელსაც სწორედ ახლა ვიკვლევთ და რომელიც გაცილებით მეტად არ მომეწონა მთელ ამ ისტორიაში – საქმე იმაშია, რომ აღნიშნული პაციენტის შესახემ ყველა პირადი ინფორმაცია მე წუხელ მომაწოდა უშუალოდ მისმა მკურნალმა ექიმმა ხაშურიდან, რაც წარმოუდგენელი ამბავია – რამდენად სანდოა მომწოდებელი პირი, ამის დადგენის საშუალებები მე არ მაქვს, თუმცა, ვისაც აქვს, ის მიხედავს ამასაც და იმ გადაცდომებსაც, რაც უშუალოდ ჩემს მიმართ განხორციელდა.

მოკლედ, ხაშურის ქეისი აშკარად ბევრ კითხვის ნიშანს აჩენს, თუმცა, პასუხი ერთ რამეზე ზუსტად ვიცი:

სწრაფი ტესტი არ არის გამოსავალი და მასზე უშუალოდ დაყრდნობა არ არის სწორი – ეს ნამდვილად აჩვენა ამ ქეისმა. რა ხდება ადგილზე და რა დარღვევებს შეიძლება ჰქონოდა ადგილი, რატომ აღელდნენ ადგილობრივი ექიმები ასე არაადეკვატურად, ეს უკვე ჩემთვისაც გაუგებარია.

ეს კი განცხადებაა, რომელიც მათ გამოაქვეყნეს: