“ხალხს ვითვლით, ვუთვალთვალებთ?” – რას წერს მოქალაქე თბილისის მერს

ბატონო კახი, ამ პოსტებს როგორც ვატყობ არ კითხულობთ, თქვენი სამსახურები კი არაფრის მთქმელი პასუხებით გისტუმრებენ და პრობლემა პრობლემად რჩება, ეს საკითხი ეხება უფასო მგზავრობის უფლების მქონე და ვადიანი სამგზავრო აბინიმენტების მფლობელ მგზავრებს, ვერავინ ვერ მომცა დღემდე აზრიანი პასუხი მასზე, თუ რატომ უნდა დაადოს ბარათი ტერმინალზე ამ კატეგორიის ადამიანებმა, ამით ხომ არავითარი ფინანსური ოპერაცია არ ხორციელდება, მათი თანხები ხომ უკვე გადახდილია და თქვენი სამსახურის ანგარიშზეა ასახული. ახლა იტყვით, რომ რა პრობლემაა, მიადე, აი იმგზავრეთ პიკის საათში და მიხვდებით რაშია საქმე. კონტროლი ხომ გყავთ, დაე მათ ჩვეულებრივ განაგრძონ თავისი საქმე. როგორ წარმოგიდგენიათ, რომ პენსიონერს ან მოსწავლეს უფასო მგზავრობის უფლებას აძლევთ და მეორეს მხრივ თქვენვე ბარათის გაუტარლობის გამო აჯარიმებთ, ხომ ნონსენსია, ხალხს ვითვლით, ვუთვალთვალებთ თუ რა, ვერ გამიგია. შარშან ხომ იყავით მიუნხენში, გემგზავრათ იქაური ტრანსპორტით და მიხვდებით, თუ რამდენად კომფორტულია იქაური მგზავრისათვის გადაადგილება. სხვათაშორის იქ არც ტურნიკეტებია მეტროს ჩასასვლელებში. დაფიქრდით ამ პოსტზე და ცოტა გაუიოლეთ ხალხს ცხოვრება. ისედაც უამრავი პრობლემის გამკლავება გვიწევს