,,ხალხო, ხელი არ ჩამოართვათ იმათ, ვინც ამბობს, რომ ომი ჩვენ დავიწყეთ!“ – ქეთევან ენუქიძე

,,შეაჩერე კორუფციის” დამფუძნებელი, ფილოლოგი ქეთევან ენუქიძე:

,,ხალხო, ხელი არ ჩამოართვათ იმათ, ვინც ამბობს, რომ ომი ჩვენ დავიწყეთ!
ჩვენ!
ნუ გგონიათ, რომ აქ საქმე მიშას და ნაცებს ეხება!
ჩვენ გვეხება – ყველას!
ანწუხელიძეს რომ შლიან კედლიდან, იმავე წუთას სულში აფურთხებენ ჩვენს წარსულს და მომავალს!
სტუმრად მოვა ამის მთქმელი? გააგდეთ!
გააგდეთ, როგორც შვილის მკვლელი!
გაგიღიმებთ? კეთილ სიტყვას გეტყვით?
არ დაიჯეროთ!
არაფერი არ დაიჯეროთ!
ჯერ არის ქვეყანა და მერე სხვა დანარჩენი!
ჩვენისთანა პატარა ერების ხვედრია, ყველაზე და ყველაფერზე წინ თავის მიწას აყენებდეს!
თითებიც რომ გქონდეთ დამტვრეული, მაინც შემოარტყით ნებისმიერს, ვინც იტყვის, რომ ომი ჩვენ დავიწყეთ!
აფხაზეთში და სამაჩაბლოში დარჩენილი ჩვენი საუკეთესო ბიჭების ჭირისუფლებმა!
ჭიქა წყალს სულის მოსაბრუნებლად და საკუთარ მიწას – გულზე, არ ეღირსოს მისი ჯიში და მოდგმა, ვინც იტყვის, რომ ომი ჩვენ დავიწყეთ!“