„ხალხის ძალა“ სინამდვილეში არის ფარსის ძალა – პაატა მანჯგალაძე

„ხალხის ძალა” სინამდვილეში არის ფარსის ძალა – ასე აშკარა ბრძოლა ნათელსა და ბნელს შორის არ ყოფილა, – ამის შესახებ ჟურნალისტებთან “სტრატეგია აღმაშენებლის” დეპუტატმა პაატა მანჯგალაძემ განაცხადა, რითაც ამერიკულ დაფინანსებაზე “ხალხის ძალის” განცხადებას გამოეხმაურა.

მანჯგალაძემ წერილის ავტორები ფილიპე მახარაძეს და სერგო ორჯონიკიძეს შეადარა და ხაზგასმით აღნიშნა, რომ ისინი სინამდვილეში ისევ “ქართულ ოცნებას” წარმოადგენენ.

„ამ ადამიანების მდგომარეობა თანდათან დამძიმდება და ისინი დაიწყებენ “ეფესბეს” ნარატივებით ღიად საუბარს, ჩვენ ამას ვხედავთ. მთავარი სამიზნე არის აშშ და მისი ელჩი, აშშ- ის სახელმწიფო მდივნის მოადგილემ თქვა, რომ თავდასხმა ელჩზე, არის თავდასხმა აშშ- ზე. ე.წ. გამოყოფილები აშშ- ის დაფინანსებაზე რომ საუბრობენ, მოდით, ჯერ იმაზე ისაუბრონ, ქართველი ხალხის ფული რაში იხარჯება, როგორ ჭამს წლებია “ქართული ოცნება” ასობით მილიონს. ასე აშკარა ნათელსა და ბნელს შორის ბრძოლა არ ყოფილა. ბრძოლა მიდის აღმაშენებლის, ზვიად გამსახურდიას, მერაბ კოსტავას ჯიშის ქართველებსა და ორჯონიკიძის, ფილიპე მახარაძის, ივანიშვილის, კობახიძის და ღარიბაშვილის ჯიშის ქართველებს შორის. ეს ორი იდეა ებრძვის ერთმანეთს და არავინ მოგატყუოთ რომ ვინმე გაყოფილი ან გამოყოფილია,”- განაცხადა მანჯგალაძემ.