ანალიტიკოსი, ზაალ ანჯაფარიძე:
“ისეთი შთაბეჭდილება იქმნება, რომ სააკაშვილის ციხიდან გასაყვანად დაწყებული მასობრივი და ვირუსული კამპანია, თანდათან ახდენს თავის გავლენას. ხალხი უკვე იწყებს ლაპარაკს, რომ ჯანდაბას გაუშვით, პრობლემა მოიხსნება, ქვეყანა დაისვენებს და ა.შ.
არ მოიხსნება პრობლემა ბატონებო და ქალბატონებო! ძალიან ცუდად უნდა იცნობდეთ სააკაშვილს, ნაცმოძრაობას და მათ დასავლელ კურატორებს, რომ ეს იფიქროთ. პირიქით, პანდორას ახალი ყუთი გაიხსნება.
თუ სააკაშვილს გაუშვებენ, თანაც იმ ფორმულირებით, რაც მის ოჯახს და მომხრეებს უნდათ, რომ თითქოს ის აქ „აწამეს,“ „მოწამლეს“ და ა.შ. ეს უტოვებს მას შანსს, რომ გაამართლოს თავის პასიურობა და საქციელი, ასეთ დღეში მყოფს აბა რის თავი მექნებოდაო.
გავა გარკვეული პერიოდი, სააკაშვილი დასავლეთში ფორმაში ჩადგება, მოფერიანდება, დაელოდება იმ დროს როდესაც ევროკავშირი კიდევ ერთხელ გვტკიცავს უარს, წევრობის კანდიდატის სტატუსზე და შემდეგ უკრაინის და დასავლეთის მხარდაჭერით, შეეცდება ისევ ააგოროს საპროტესტო აქციები და მათ ლიდერად მოგვევლინოს.”
კომენტარები