“ხალხი არ გატყდა, რუსთაველი ცოცხლობს და ეს ძალიან მნიშვნელოვანია” – საბა სხვიტარიძე

გილოცავთ ახალ წელს, ეს წელი ყოფილიყოს გამარჯვებისა და ერთიანობის წელი,
სურვილების ასრულებასა და საქართველოს თავისუფლებას გისურვებთ.
განსაკუთრებით მინდა დედაჩემს მივულოცო დაბადების დღე, დე შენ ჩემთვის განსაკუთრებული ადამიანი ხარ, ჩემი საუკეთესო მეგობარი ხარ, ვიცი რომ ნერვიულობ, არ იმჩნევ მაგრამ მე ხო ვიცი, არ ინერვიულო მალე ყველაფერი კარგად იქნება, ცოტაც!
გასული წელი გამოწვევებით სავსე წელი იყო, მძიმე წელიც იყო, მაგრამ საერთო სურათში რომ შევხედოთ დადებითად შევაფასებდი,
პირველ რიგში ყველაზე მნიშვნელოვანი რაც იყო ხალხი არ გატყდა, რუსთაველი ცოცხლობს და ეს ძალიან მნიშვნელოვანია, ასევე ამ წელს გამოიკვეთა ვინ დგას პროტესტის მხარეს და ვინ იბრძვის გულწფელად. გვინდოდა თუ არა ეს გზა უნდა გაგვევლო.
დარწმუნებული ვარ 2026 წელი იქნება ერთობისა და გამარჯვების წელი უნდა შევძლოთ და უფრო ცივი გონებით შევხედოთ პროცესებს, დავივიწყოთ ერთმანეთის კრიტიკა და გავუფრთხილდეთ თანამოაზრეებს, თითოეულმა პროტესტში ჩართულმა მოქალაქემ უნდა იზრუნოს პროტესტის გაზრდაზე. ჩვენ ამ წელს უნდა გადავიდეთ ახალ ეტაპზე და ეს წელი უნდა იყოს მოქმედებაზე გადასვლის წელი. ხანდახან შეიძლება ვიფიქროთ რომ დავიღალეთ, შეიძლება უიმედობამაც დაისადგუროს ჩვენში, მაგრამ გახსოვდეთ ბრძოლას ყოველთვის აქვს აზრი, ბრძოლა არასდროსაა კომფორტული და მარტივი, მაგრამ ვინც იბრძვის იმარჯვებს კიდეც.
მრავალ შობა-ახალ წელს დაესწარით, თავისუფალ და დამოუკიდებელ საქართველოში.
ბრძოლა ბოლომდე!!!- წერს საბა სხვიტარიძე.