ფოტო – პუბლიკა
ცოტა ხნის წინ თბილისში, ირანის საელჩოსთან მიმდინარე აქციაზე კაცს დახმარება დასჭირდა. მოქალაქე მას შემდეგ გახდა ცუდად, რაც შეიტყო, რომ მისი ოჯახის წევრი ირანში საპროტესტო აქციებისას მოკლეს.
შეგახსენებთ, რომ ირანის საელჩოსთან ირანელი ხალხის მხარდამჭერი აქცია ამ წუთებშიც მიმდინარეობს.
საქართველოში მცხოვრები ირანის მოქალაქეები ამ დრომდე ვერ ახერხებენ ოჯახის წევრებთან და ახლობლებთან დაკავშირებას.
ცნობისთვის, ირანში 28 დეკემბრიდან გრძელდება მასშტაბური ანტისამთავრობო პროტესტი, რომელიც მძიმე ეკონომიკურმა კრიზისმა, ინფლაციამ და ხელისუფლების რეპრესიებმა გამოიწვია. აქციებს თან ახლავს ძალადობრივი ჩახშობა, ინტერნეტის ბლოკირება და ათასობით ადამიანის დაკავება. საერთაშორისო მედიისა და უფლებადამცველი ორგანიზაციების ინფორმაციით, დაღუპულთა რიცხვი ათიათასებს აღწევს.
კომენტარები