კაცმა ქალი ნაჯახით მოკლა – დეტალები

წალკაში 50 წლამდე კაცმა ქალი ნაჯახით მოკლა. შინაგან საქმეთა სამინისტროს ინფორმაციით, 1976 წელს დაბადებული ვ.ვ. განზრახ მკვლელობის ბრალდებითაა დაკავებული.

დანაშაული 10-დან 15 წლამდე ვადით თავისუფლების აღკვეთას ითვალისწინებს.

გამოძიებით დადგინდა, რომ ბრალდებულმა ურთიერთშელაპარაკების ნიადაგზე, ნაჯახის გამოყენებით, სასიკვდილო დაზიანება მიაყენა 1970 წელს დაბადებულ ე.გ.-ს და შემთხვევის ადგილიდან მიიმალა.
სამართალდამცველებმა იგი დააკავეს.
პოლიციამ დანაშაულის ჩადენის იარაღი ნივთმტკიცებად ამოიღო.
განზრახ მკვლელობის ფაქტზე გამოძიება საქართველოს სისხლის სამართლის კოდექსის 108-ე მუხლით მიმდინარეობს”, – წერია შსს-ს განცხადებაში.