ჩინელ მამაკაცს სამი წლითა და 6 თვით თავისუფლების აღკვეთა უცნაური დანაშაულის გამო მიესაჯა. დამნაშავემ ყოფილ შეყვარებულს დიდი ოდენობით თანხა მოპარა, მაგრამ ეს „საინტერესო“ მეთოდით გააკეთა.
მძინარე პარტნიორს ქუთუთოები აუწია და მისი თითის ანაბეჭდი გამოიყენა, რათა ქალის კუთვნილი ტელეფონი განებლოკა.
The Times-ის ინფორმაციით 28 წლის კაცი ყოფილი პარტნიორის სახლში გასული წლის დეკემბერში მივიდა. ქალი თავს შეუძლოდ გრძნობდა. კაცმა მეგობარს სადილი მოუმზადა და საძილე საშუალება ჩაუყარა, მას შემდეგ რაც ის ღრმა ძილს მიეცა, მამაკაცმა ქურდობა ჩაიდინა.
თავიდან ქალის თითის ანაბეჭდი მისი კუთვნილი ტელეფონისთვის ბლოკის მოსახსნელად გამოიყენა, შემდეგ კი მის ანგარიშზე შესასვლელად თვალის გუგის ანაბეჭდი იყო საჭირო, ამისათვის კი კაცმა ქალს ქუთუთო აუწია. დაახლოებით 24 ათასი აშშ დოლარი კი თავისი ვალების დასაფარად გადარიცხა, რაც აზარტული თამაშების გამო დაედო.
დილით ქალმა მომხდარი დააფიქსირა და სამართალდამცავ უწყებას მიმართა. კაცი სხვა ქალაქში დააკავეს და მას მხოლოდ სამი ათასი დოლარი ჰქონდა დარჩენილი.
კომენტარები