“კატეგორიულად არ ვეთანხმები პრემიერის წინსწრებით წამოყენებას – მაშინ არჩევნები რა შუაშია?” – თაკო ჩარკვიანი

პოლიტიკოსი, თაკო ჩარკვიანი, პრეზიდენტ, სალომე ზურაბიშვილის მიერ, პრემიერობის კანდიდარის შესაძლო წარდგენაზე საუბრისას, ამბობს:

ჩემთვის წარმოუდგენელია, მაშინ არჩევნები რა შუაშია, თუ პრეზიდენტმა წინსწრებით წარმოგვიდგინა პრემიერი.

კატეგორიულად არ ვეთანხმები პრემიერის წინასწარ წამოყენებას, ჯერ რა ლეგიტიმაციით აპირებს ამის გაკეთებას პრეზიდენტი, არ ვიცი, მეორე, – აღმოჩნდა რომ პარტიები არ ეთანხმებიან, ძალიან უხერხული მგონია ეს ამომრჩეველთან – აბა, რატომ ვატარებთ მაშინ არჩევნებს?

თუ კოალიციამ გაიმარჯვა, რაც ჩემი სურვილია, იმ კოალიციამ, პარლამენტის მოწვევით უნდა გადაწყვიტოს.