გერმანიის ბუნდესტაგის წევრი, საგარეო საქმეთა სამინისტროს კოორდინატორი სამხრეთ კავკასიის, მოლდოვის რესპუბლიკისა და ცენტრალური აზიის ქვეყნების საზოგადოებათშორისი თანამშრომლობის საკითხებში რობინ ვაგენერი:
საქართველოში კანონის მიღება ფუნდამენტური შეცდომაა და მიმართულია საქართველოს გზის წინააღმდეგ ევროკავშირისკენ.
საქართველოს მთავრობამ არა მხოლოდ დაარღვია შარშან მიცემული დაპირება, რომ არ მიეღო კანონი, არამედ სრულიად უგულებელყოფს ქართველი ხალხის აბსოლუტური უმრავლესობის ნებას, რომელსაც სურს დაინახოს თავისი ქვეყანა ევროკავშირის წევრ ქვეყნად. კანონის მიღება შეაჩერებს საქართველოს ევროკავშირში ინტეგრაციას. კანონის ძალაში შესვლის შემთხვევაში გაწევრიანების მოლაპარაკებები არ გაიხსნება.
აშკარაა, რომ კანონი ეწინააღმდეგება ძირითად ევროპულ ღირებულებებსა და პრაქტიკას. გარემოს შექმნა, სადაც სამოქალაქო საზოგადოების ორგანიზაციებს შეუძლიათ თავისუფლად იმოქმედონ და მედიის თავისუფლების უზრუნველყოფა ყველა დემოკრატიის საფუძველია. ეს ასევე გადამწყვეტია ევროკავშირში გაწევრიანების წარმატებული პროცესისთვის.
ჩვენ ღრმად ვართ იმედგაცრუებული საქართველოს ხელისუფლების ამჟამინდელი ავტორიტარული და ანტიევროკავშირის კურსით. ეს გვაიძულებს გადახედოთ ჩვენს ძლიერ პოლიტიკურ და ფინანსურ მხარდაჭერას საქართველოსთვის ორმხრივ და ევროპულ თანამშრომლობაში. მიზანმიმართული შემზღუდავი ზომებიც კი ევროპულ დონეზე უნდა განიხილებოდეს.
კანონის წინააღმდეგ საპროტესტო აქციების ენერგია და გამბედაობა ღრმად შთამბეჭდავია. ეს აჩვენებს ქართველი ხალხის მტკიცე ერთგულებას ევროპული გზის მიმართ. აქციის მონაწილეების მიმართ ნებისმიერი ძალადობა ან დაშინება სრულიად მიუღებელია.
მოვუწოდებ ხელისუფლებას პატივი სცეს ხალხის ნებას და ერთხელ და სამუდამოდ გააუქმოს კანონი,” – წერს რობინ ვაგენერი.
კომენტარები