“კალაძეს “უსიყვარულობა” დაემართა” – ვიკა ბუკია

ჟურნალისტი, ვიკა ბუკია:

არ წარმომიდგენია ანა და მზიური ცალ-ცალკე. რამდენიმე წლის წინ ვიტყოდი, რომ ჩემთვის ეს გადაწყვეტილება არის არამხოლოდ სიტყვის გატეხვის მაგალითი, არამედ უსულგულობის დემონსტრირება. მაგრამ დღეს ყველა სიტყვა მეცოტავება, როცა გარუსებული ხელისუფლების მორიგი ბოროტების შესახებ შევიტყობ.
ბოროტებაა ანას წაართვა მზიური. კალაძეს კი “უსიყვარულობა” დაემართა. არაფერი არ ანიჭებს სიამოვნებას გარდა ერთისა: სხვასაც ისევე დაუშხამოს ცხოვრება, როგორც თავად დაუშხამეს.

არაფერი არ გამოუვათ. ანას ეტლს ისევ მოვკრავ თვალს გზად სახლიდან სამსახურისკენ, მზიურის ეზოში, იქვე არჩილ ქიქოძეს, რომელიღაც მაგიდასთან მჯდარს, მტირალა ბავშვებს, შეწუხებულ ძიძებს, დედებს და ქუჩის ყველაზე საყვარელ ძაღლებს:) და მაშინაც კი, როცა ვერ შევივლი კაფეში, ვიცი, რომ იქ მეგულება საყვარელი და მყუდრო ადგილი, ანას ადგილი.

Ana Goguadze ყველაფერი კარგად იქნება

კაფე მზიური: ხელშეკრულებას აღარ გვიგრძელებენ, მერიამ გადაწყვიტა, აუქციონზე გაიტანოს შენობა